Alternative content

21:25 20 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Bilik evlərinin müşavirəsi keçirilib
Bilik evlərinin müşavirəsi keçirilib
ANA SƏHİFƏ / Təhsil
08:09 08.09.2017

Azərbaycan Respublikasının Prezidenti yanında Bilik Fondunda bölgələrdə fəaliyyət göstərən bilik evləri rəhbərlərinin iştirakı ilə müşavirə keçirilib. Bu barədə AZƏRTAC-a Bilik Fondundan bildirilib.

Fondun icraçı direktoru Oktay Səmədov müşavirə iştirakçılarına bilik evlərində həyata keçirilən layihələr, təlim kursları, bölgə əhalisinin maarifləndirilməsi istiqamətində görülən işlər barədə məlumat verib. İcraçı direktor dövlət başçısının həyata keçirdiyi daxili və xarici siyasətin mahiyyətinin əhaliyə çatdırılması məqsədilə müxtəlif istiqamətlərdə təşkil olunan tədbirlərin əhəmiyyətini vurğulayıb.

Şəmkir Bilik evinin direktoru, Milli Məclisin deputatı Sona Əliyeva bilik evlərində yeniyetmə və gənclərdə mütaliə mədəniyyətinin aşılanmasına xidmət edən layihələrin hazırlanması və icrasına üstünlük verilməsini təklif edib.

Nardaran Bilik evinin direktoru, Milli Məclisin deputatı Dilarə Cəbrayılova isə peşəyönümlü təlim kurslarına daha çox ehtiyac olduğunu bildirərək ötən il 6 nardaranlı gəncin avtomobillərə texniki xidmət üzrə təlimləri uğurla başa vurduğunu və işlə təmin olunduğunu xatırladıb.

Çıxışlarda maarifləndirmə işinin aparılmasında bölgənin xarakterik xüsusiyyətlərinin, yerli əhalinin maraqlarının və tələbatının nəzərə alınması təklif olunub.

Müşavirədə Bilik Fondunun dəstəyi ilə bölgələrdə fəaliyyət göstərən bilik evlərinin koordinasiya şurasının tərkibi müəyyənləşdirilib və birgə fəaliyyətin perspektiv istiqamətləri müzakirə olunub.