Alternative content

12:05 19 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Paytaxt məktəbləri dərsliklərlə təmin edilib
Paytaxt məktəbləri dərsliklərlə təmin edilib
ANA SƏHİFƏ / Təhsil
05:09 08.09.2017

Bakı Şəhəri üzrə Təhsil İdarəsinin (BŞTİ) tabeliyindəki ümumtəhsil müəssisələri 2017-2018-ci tədris ilinə tam hazırdır.

BŞTİ-dən AZƏRTAC-a bildirilib ki, növbəti dərs ilinə hazırlıq çərçivəsində paytaxtdakı 20 nömrəli məktəb-lisey üçün yeni bina inşa olunub. Bakıdakı 306 nömrəli tam orta məktəbin yeni binasının tikintisi isə davam etdirilir. Eyni zamanda, 67, 75, 257 nömrəli tam orta məktəblər üçün yeni korpusların tikintisi başa çatdırılıb. Hazırda 171 nömrəli tam orta məktəbin qəzalı vəziyyətdə olan korpusları yenidən qurulur. Bununla yanaşı, 10, 74, 201, 212 nömrəli tam orta məktəblər, 62 nömrəli məktəb-lisey və 268 nömrəli xüsusi təhsil müəssisəsi əsaslı təmir olunub. Daha 84 məktəbdə cari təmir və mühəndis kommunikasiya işləri görülüb.

Paytaxtdakı təhsil müəssisələri dərsliklərlə tam təmin edilib. Təhsil nazirinin müvafiq əmrinə əsasən, çap edilmiş yeni dərslik və müəllimlər üçün metodiki vəsaitlər yerlərə çatdırılıb.

Ötən tədris ili ərzində BŞTİ-nin tabeliyindəki 8 ümumi təhsil müəssisəsi əsaslı təmir olunub, 12 məktəbdə əlavə sinif otaqlarının, 1 məktəbdə yeməkxananın, 1 məktəb üçün yeni binanın tikintisi başa çatdırılıb, 83 müəssisədə cari təmir və mühəndis kommunikasiya işləri görülüb. Təhsil müəssisələri 130 ədəd kompüter və noutbuk, 3629 dəst parta, 444 ədəd printer və surətçıxaranla təmin edilib. Eyni zamanda, 40 təhsil müəssisəsində müasir tipli hərbi kabinetlər yaradılıb.