07 Sentyabr 2017 12:09
202
Təhsil
A- A+

Ağcabədi təhsildə də uğurlar qazanır

 

Test imtahanlarının çətin sınağından uğurla çıxıb tələbə adını qazanan gənclərlə görüş keçirmək, onların nailiyyətlərini layiqincə qiymətləndirmək artıq Ağcabədi rayonunda ənənəyə çevrilmişdir. Ağcabədi Rayon İcra Hakimiyyətinin təşəbbüsü ilə gerçəkləşən növbəti tədbir Yaqub Məmmədov adına mədəniyyət sarayında keçirilirdi.

Prezident İlham Əliyevin təhsilin inkişafına göstərdiyi davamlı qayğı ölkənin bütün regionlarında olduğu kimi, Ağcabədi rayonunda da təhsilin maddi-texniki bazasını əsaslı şəkildə möhkəmləndirmiş, yüksək intellektual səviyyəyə malik vətənpərvər nəslin yetişməsini şərtləndirmişdir. Ali məktəblərə qəbulun builki nəticələri Ağcabədi rayonunun təhsil sistemində fəth edilən ən yüksək zirvədir. Rayonun tarixində ilk dəfə olaraq  məktəb məzunu 700 ballıq nəticə qazanmışdır.  M.F.Axundzadə adına şəhər 3 nömrəli məktəb-liseyin məzunu Arzu Məmmədzadə qazandığı uğurla bir məktəbin, bir ailənin deyil, bütün Ağcabədinin qürur və iftixar mənbəyinə çevrilmişdir.

Tədbirdə rayon rəhbərliyi tərəfindən tələbə adı qazanmış gənclərə seçdikləri həyat yollarında uğurlar diləndi, təhsil sahəsində qazanılan nailiyyətlərdən ətraflı danışıldı. Qeyd olundu ki, son 12 ildə  keçilmiş yol Ağcabədi təhsilinin əsl inkişaf, yüksəliş yoludur. Əgər 2006-cı ildə 1763 məzundan 65-i ali məktəblərə qəbul olunmuşdusa, bu il 1170 məzundan 391 nəfər tələbə adı qazanmışdır. Fərq 6 dəfədən çoxdur. Təhlil göstərir ki, rayon təhsil sisteminin bütün istiqamətlərində əvvəlki illərlə müqayisədə xeyli irəliləyişə nail olunmuşdur. Bir fakt da diqqət çəkir: 2006-cı ildə rayonun mövcud 50 tam orta məktəbinin 25-də ali məktəblərə bir nəfər də qəbul olunmamışdır. İndi isə rayonun tam orta məktəblərinin hamısından ali məktəblərə qəbul var. Şəhər 9 saylı tam orta məktəbin, M.F.Axundzadə adına şəhər 3 saylı məktəb-liseyin, Pərioğullar  kənd  tam orta, Qaravəlli kənd tam orta, S. Vurğun adına şəhər 4 saylı və M. Aranlı adına şəhər 11 saylı tam orta məktəblər ali təhsil ocaqlarına qəbulda daha yüksək nəticələr əldə etmişlər.

Tədbirin sonunda yüksək bal toplamış  tələbələrə qiymətli hədiyyələr təqdim olundu.

 

Lazım QULİYEV,

“Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video