06 Sentyabr 2017 04:09
221
Təhsil
A- A+

Azərbaycanda yeni tədris ilində 165 minə yaxın uşaq birinci sinfə gedəcək

Azərbaycanda 2017-2018-ci tədris ilində birinci sinfə gedən uşaqların sayı 164 min 945 nəfər təşkil edir.

Bu barədə AZƏRTAC-a Təhsil Nazirliyinin mətbuat xidmətindən məlumat verilib.

Nazirlikdən həmçinin bildiriblər ki, bu göstərici ötən il 164 min 33 nəfər təşkil edib. 2016-2017-ci tədris ilində IX sinif məzunlarının sayı 110 min 638, XI sinif məzunlarının sayı 84 min 88 nəfər, axşam ümumtəhsil məktəblərində (qiyabi) oxuyan şagirdlərin sayı isə 723 nəfər olub.

Nazirlik nümayəndəsi respublikada yeni məktəblərin istifadəyə verilməsi məsələsini şərh edərkən bildirib ki, bu il 71 məktəb binası inşa edilib. Bunun 61-i modul tipli məktəblərdir. İlin sonunadək respublikanın 44 rayonunda 100 azkomplektli və qəza vəziyyətində olan kənd məktəbləri modul tipli məktəb binaları ilə əvəz ediləcək.

Bundan başqa, 12 məktəb binası əsaslı təmir olunub, 460 məktəbdə cari təmir işləri görülüb, 24 məktəb binasında isə cari təmir işləri davam etdirilir. Həmçinin bir xüsusi məktəb, uşaq və gənclər üçün məktəb və idman-sağlamlıq kompleksi tikilib. Üç kampus və ali məktəb korpusu tikilib və əsaslı təmir olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video