Alternative content

14:57 21 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Rahatlıq gətirən yeniliklər
Rahatlıq gətirən yeniliklər
ANA SƏHİFƏ / Oxucu məktubları
12:08 31.08.2017

 

Əvvəllər kəndimizdəki məktəbin binası demək olar ki, yararsız vəziyyətdə idi. Təbii ki, belə şəraitdə təhsilin keyfiyyətini yüksəltmək, təlim-tərbiyə sahəsində istənilən nəticəyə nail olmaq mümkün deyildi.

Ötən il bu narahatlığa son qoyuldu. Məktəb əsaslı şəkildə təmir edildi, əlavə korpuslar tikilib müəllim və şagirdlərin istifadəsinə verildi. Açılış mərasimini kənd sakinləri böyük sevinclə qeyd etdilər.

505 ailənin yaşadığı Otuzikilər kəndinin sakinləri bu yaxınlarda dövlətin qayğısı sayəsində daha bir rahatlığa qovuşdular. Mənzillərdə təbii qaz yenidən şölələndi.

Ötən il kəndimizin yolu da əsaslı şəkildə bərpa edildi, keyfiyyətli asfalt örtük çəkildi. Əvvəllər maşınla rayon mərkəzinə bir saata getdiyimiz yola indi cəmi 15 dəqiqə vaxt sərf edirik.

Bir sözlə, ölkəmizdə həyata keçirilən geniş quruculuq-abadlıq işləri kəndlərin də simasının əsaslı şəkildə dəyişməsinə, əhalinin güzəranının, yaşayış səviyyəsinin durmadan yaxşılaşdırılmasına şərait yaradır. Ən əsası da odur ki, əvvəllər dolanışıq üçün iri şəhərlərə üz tutan gənclərimiz indi doğma dədə-baba yurdlarına qayıdır, iqtisadiyyatın yüksəldilməsinə öz töhfələrini verirlər.

 

Telman HÜSEYNOV,

Bərdə rayonu, Otuzikilər kəndinin sakini