Alternative content

18:04 22 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Bağça yenidən qurulur
Bağça yenidən qurulur
ANA SƏHİFƏ / Oxucu məktubları
12:08 31.08.2017

 

Respublikamızın bütün bölgələri kimi, son illər Qazax rayonunun da siması başdan-başa dəyişmişdir.

Burada aparılan genişmiqyaslı abadlıq və quruculuq işləri nəticəsində istər rayon mərkəzi, istərsə də kənd və qəsəbələr gözəlləşmişdir.

Diqqət çəkən məqamlardan biri də odur ki, tikinti-quruculuq işləri təkcə rayon mərkəzində deyil, rayonun bütün ərazisində aparılır. Xüsusilə böyüməkdə olan körpələrin təlim-tərbiyəsinə böyük diqqət yetirilir. Kosalar kəndi Qazaxın ən böyük kəndlərindəndir. Burada əvvəllər mövcud olan problemlər tamamilə aradan qaldırılmışdır. Rayon mərkəzindən kəndə gedən yola asfalt salınmış, qaz, işıq və su problemi həll edilmişdir. Bu yaxınlarda isə kənddə fəaliyyət göstərən və qəzalı vəziyyətdə olan körpələr evi-uşaq bağçasının yenidən qurulmasına başlanılmışdır. Qısa vaxt ərzində binada pəncərə və qapılar dəyişdirilmiş, dam örtüyü və döşəməsi yenisi ilə əvəz olunmuşdur. Hazırda binada kosmetik işlər görülür. Bağça sentyabr ayında balacaların istifadəsinə veriləcəkdir.

 

Murad ALIYEV,

Qazax rayonunun Kosalar kənd sakini