Gəzməyə də vətən yaxşı...
Hörmətli redaksiya!
Biz Rusiyanın Sankt-Peterburq şəhərində yaşasaq da, hər il yay aylarını doğma Azərbaycanda keçiririk. Əvvəlki illərdə vətənimizə gələndə hotellərdə qalsaq da, bu dəfə həyət evində dincəlməyə qərar verdik. Bu məqsədlə yolumuzu Quba rayonuna saldıq. Bilirdik ki, kənd turizmi Qubada yaxşı təşkil edilib. İstirahət üçün seçilən evlər qənaətbəxşdir. Qubanın həm kəndlərində, həm də rayon mərkəzində müxtəlif dillərdə danışan xarici vətəndaşlarla rastlaşmaq isə adi hala çevrilib.
Bunlar çox yaxşıdır. Bu məktubu sizə göndərməkdə məqsədim çatışmayan iki cəhətə diqqəti yönəltməkdir. Biz İkinci Nügədi kəndini tapmaq üçün xeyli əziyyət çəkdik. Birinci Nügədini keçəndən sonra ikincinin başlanacağı barədə heç bir göstərici yox idi. İstirahət mərkəzləri barədə isə yalnız onlara yaxınlaşanda məlumat lövhəsi ilə üzləşirsən. Kəndarası yollar da yaxşı deyil. Bu da nabələd adamlarda vaxt itkisinə, yol yorğunluğuna səbəb olur. Kəndarası yollar qaydaya salınsa, yollara məlumat lövhələri vurulsa, dincəlməyə gələnlər əlavə vaxt itirməzlər. Yəqin ki, bunu Qubada da bilir və görürlər. Bu iş nə qədər tez həll edilsə, fikrimizcə, kəndlərdə istirahət etməyə gedənlərin sayı daha çox olar.
Lakin buna baxmayaraq, təbiətin Qubaya bəxş etdiyi gözəlliklər - meşələr, buz bulaqlar, çəmənliklər insanın ruhunu oxşayır.
Zümrüd BEHBUDOVA,
Quba
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ağ ev: Rusiya nüvə başlığı daşıya bilən peyk hazırlayır
25 Aprel
Azərbaycanlı rejissorun ekran əsəri Kann Film Festivalının qısametrajlı filmlər müsabiqəsinə seçilib...
25 Aprel
Türk dövlətlərinin peykləri bütün TDT ölkələrinin xeyrinə istifadə edilə bilər
25 Aprel
Avropa Komissiyası Ukraynaya 1,5 milyard avroluq daha bir tranş ayırıb
25 Aprel
Gözəlliyi rənglərə köçürən rəssam
25 Aprel
Şuşa xanəndəlik məktəbinin nümayəndələrindən biri - Seyid Şuşinski
25 Aprel
Mədəniyyət beşiyi
25 Aprel
COP29 Azərbaycan üçün böyük fürsətdir
25 Aprel
COP29 ərəfəsində "yaşıl külək"
25 Aprel
"Türkiyə-Azərbaycan birliyi regional təhlükəsizliyin və sabitliyin mühüm meyarıdır"
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!