16 Avqust 2017 05:08
434
PARLAMENT
A- A+

Azərbaycan-Polşa əməkdaşlığının inkişafı ilə bağlı məsələlərə dair müzakirələr aparılıb

Bakıda keçirilən 41-ci Dünya Skaut Konfransında iştirak edən Polşa nümayəndə heyəti avqustun 16-da Azərbaycan Respublikası Milli Məclisində olub.

AZƏRTAC xəbər verir ki, görüşdə Dünya Skaut Konfransının əhəmiyyəti, eləcə də Azərbaycan ilə Polşa arasında müxtəlif sahələrdə əməkdaşlığın inkişafı məsələləri ilə bağlı müzakirələr aparılıb.

Milli Məclis sədrinin müavini, təbii ehtiyatlar, energetika və ekologiya komitəsinin sədri Valeh Ələsgərov qonaqlara ölkəmiz haqqında ətraflı məlumat verib. Bildirilib ki, Azərbaycan tarixən müxtəlif mədəniyyətlərin, dinlərin nümayəndələrinin sülh, qarşılıqlı hörmət şəraitində yaşadığı məkan olub. Bu ənənə indi də davam edir. Bakının memarlıq quruluşunda Polşadan gələn arxitektorların mühüm xidmətləri olub. XX əsrin əvvəllərində milli ordumuzun tərkibində polyak zabitlərin rolu da danılmazdır. Xalqlarımız arasındakı bu əlaqələrin indi də davam etdiyini vurğulayan Milli Məclis sədrinin müavini diqqətə çatdırıb ki, ikitərəfli əməkdaşlıq yüksək səviyyədədir.

Söhbət zamanı parlamentlərarası əlaqələrin daha da inkişaf edəcəyinə əminlik ifadə olunub.

Polşa nümayəndə heyətinin rəhbəri, təhsil naziri xanım Anna Zalevska Azərbaycan Prezidenti İlham Əliyevin Polşaya səfərini məmnunluqla xatırlayaraq bildirib ki, yüksək səviyyəli qarşılıqlı səfərlər əlaqələrin inkişafına öz töhfəsini verir. Ölkələrimiz arasında müxtəlif sahələrdə, o cümlədən iqtisadiyyat sahəsində əməkdaşlıq üçün yaxşı imkanlar var.

Bakıda keçirilən 41-ci Dünya Skaut Konfransında səmərəli müzakirələrin aparıldığını, tədbirin uğurlu təşkilini qeyd edən qonaq bildirib ki, Polşa 2023-cü ildə Skautlar Federasiyasının görüşünün təşkilinə namizəddir.

Nümayəndə heyətinin digər üzvləri də Bakıda olduqlarından məmnunluqlarını bildiriblər. Onlar Bakının müasir, inkişaf edən şəhər olduğunu söyləyiblər.

Görüşdə bu səfərin əməkdaşlığın gələcəkdə daha da inkişafı üçün səmərəli olacağına əminlik ifadə edilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video