04 Avqust 2017 01:08
898
Oxucu məktubları
A- A+

Dərəkənddə hər həyətə su gəlir

 

Kəndimiz rayon mərkəzinə yaxın ərazidə yerləşir. Camaatımızın əsas məşğuliyyəti heyvandarlıq və əkinçilikdir. Əkin-biçin işlərimiz dəmyə şəraitinə uyğunlaşdırılsa da, ümumilikdə kəndin həmişə içməli su problemi olub. Əhali  sudan korluq çəkib. Zəruri ehtiyacın təmin olunması üçün hər ailə suyu pulla alıb,  maşınla həyətinə gətizdirib.  Əhalisi 500 nəfərdən ibarət, 65 təsərrüfatı olan bu kənd uzun müddət içməli su  probleminin  həllini gözləyib. Ümidini də heç vaxt itirməyib.

İki il qabaq dövlət dəstəyi sayəsində kəndin su problemi həll olundu. Hazırda kənddə hər  həyətə su gəlir. Hamı sevinc içindədir. Su həyat, dirilik, təmizlik və bərəkət deməkdir.  Verilən su məişət, təsərrüfat  ehtiyaclarımızı tamamilə təmin edir. Bundan savayı, bitkiçiliklə - bağçılıq, bostançılıqla məşğuliyyət imkanı da yaranıb: meyvə, tərəvəz də əkməyə başlamışıq. Bu da kənddə hər kəsin torpağa bağlılığını artırıb.

Kəndimizin su probleminin həllində əməyi keçən hər kəsə dərəkəndlilər adından çox sağ olun deyir, onlara qurub-yaratmaqda uğurlar diləyirik.

 

Eldar SƏFİYEV,

Qobustan rayonu, Dərəkənd kəndi

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video