Onların qisasını torpaqlarımızı azad etməklə alacağıq
Milli Qəhrəman Rafiq Alıcanov 1965-ci ilin iyulunda Qazax rayonunun Kəmərli kəndində anadan olub. Daha sonra ailəliklə Ağstafa rayonunun Köçvəlli kəndinə köçüblər. Rafiq bu kənddə orta məktəbi bitirdikdən sonra Kalininqrad Ali Hərbi Mühəndislik Məktəbinə daxil olub. Xidmət illərində kapitan rütbəsinədək yüksəlib.
Azərbaycana qarşı erməni təcavüzünün başladığı ilk günlərdən doğma yurda qayıtmağa çalışsa da, yalnız 1992-ci ilin avqustunda vətənə dönə bilib. İlk günlərdən mühəndis-istehkam qoşunlarının yaradılması və formalaşdırılmasında xüsusi fəallıq göstərib. Onun döyüş yolu Qazax, Tovuz, Kəlbəcər, Goranboy, Ağdərə, Tərtər, Ağdam, Füzuli, Qubadlı, Cəbrayıl və Zəngilandan Naxçıvanadək uzanır. Cəbhə boyu son dərəcə təhlükəli tapşırıqlara rəhbərlik edən istehkamçı peşəkar zabit Alıcanov yüzlərlə döyüşçünü ölümdən xilas edib, onun peşəkar hərbçi fəaliyyəti sayəsində düşmən xeyli texnika və canlı qüvvə itkisinə məruz qalıb. 1993-cü ilin payızında Füzuli uğrunda gedən döyüşlərdə xüsusi qəhrəmanlıq göstərib. Yaralı vəziyyətdə əsir düşüb, düşmənin ona verdiyi ağır işgəncələr nəticəsində şəhid olub.
Rafiq Alıcanov ulu öndər Heydər Əliyevin 1994-cü il tarixli fərmanı ilə ölümündən sonra Azərbaycanın Milli Qəhrəmanı fəxri adına layiq görülüb. Ağstafa şəhərində və ailəsinin yaşadığı Bakıda adına küçələr var. Təhsil aldığı kənd orta məktəbi indi onun adını daşıyır. “Qartal yuvası” və “Ölümə qənşər” adlı bədii-sənədli filmlərdə ondan da bəhs olunub. Xatirəsinə kitablar yazılıb, anım mərasimləri keçirilib. O və onun kimi Vətən uğrunda canından keçmiş bütün qəhrəmanlarımız, igid əsgərlərimiz, cümlə şəhidlərimiz heç bir zaman unudulmayacaq, Azərbaycan xalqının tarixində, qan yaddaşında əbədi yaşayacaq, anılacaqlar!
Bu il də ad günündə Milli Qəhrəman Rafiq Alıcanov Ağstafada, Bakıda, doğulduğu Qazaxda anıldı. Onun həyat və fəaliyyəti gənclərə örnək göstərildi. İşğal altındakı torpaqlarımızın mütləq azad ediləcəyini, bununla da bütün şəhidlərimizin qisasının alınacağına əminlik ifadə olundu.
Yaqub İSMAYILOV,
şəhid atası
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
Azərbaycan Prezidentinin xüsusi tapşırıqlar üzrə nümayəndəsi BBC radiosuna müsahibə verib...
24 Aprel
Üzgüçülük üzrə açıq Azərbaycan çempionatı start götürüb
24 Aprel
XİN: Azərbaycan BMT-nin insan hüquqları sahəsində müvafiq müqavilə qurumları ilə əməkdaşlığa böyük ö...
24 Aprel
Qırğız Mədəniyyəti Günləri çərçivəsində Heydər Əliyev Mərkəzində sərgi açılıb
24 Aprel
Azərbaycan Kuboku: “Qarabağ” “Neftçi”ni cavab oyununda da məğlub edərək finala yüksəlib...
24 Aprel
Bakıda Qırğız Mədəniyyəti Günlərinin açılış mərasimi olub
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!