Alternative content

13:24 23 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Yenilik uğurlu nəticə verdi
Yenilik uğurlu nəticə verdi
ANA SƏHİFƏ / Oxucu məktubları
12:07 23.07.2017

 

Artıq orta ümumtəhsil məktəblərini bitirən məzunların, eləcə də onların valideynlərinin və müəllimlərinin həyəcanlı anları demək olar ki, arxada qalıb. Söhbət ali məktəblərə qəbul imtahanlarından gedir. Bu il mənim övladım Ayxan da on bir ildə aldığı təhsilin hesabatını verdi. Nəticə uğurlu oldu. Qəbul imtahanlarının elə birinci mərhələsində 695 bal toplayaraq arzusuna yetdi - Azərbaycan Tibb Universitetinə qəbul olundu.

İndi ailə üzvlərimizin sevinci hədsizdir. Buna görə Ayxanın təhsil aldığı Akademik Zərifə Əliyeva adına texniki fənlər təmayüllü məktəb-liseyin pedaqoji kollektivinə minnətdarlığımı, eyni zamanda dövlətimizin yaratdığı şəraitə, tətbiq olunan səmərəli yeniliyə görə razılığımı bildirmək istəyirəm. Bu il bərdəli məzunlar ilk dəfə olaraq ali məktəblərə qəbul imtahanlarını öz doğma rayonlarında, hətta təhsil aldıqları məktəblərdə verdilər.

Bu səbəbdən abituriyentlər daha az stress keçirdilər, yollarda yorulmadılar, psixoloji sıxıntı yaşamadılar. Eyni zamanda abituriyent ailələrinin əlavə maddi xərcləri də olmadı. Bu hallar nəticələrə də müsbət təsir göstərdi. Heç şübhəsiz Ayxanın da yüksək bal toplamasında bu amillər əhəmiyyətli rol oynayıb.

Onu da deyim ki, Azərbaycan Respublikası Dövlət İmtahan Mərkəzinin Bərdə Regional Bölməsi tərəfindən burada digər bölgələrdən olan abituriyentlərin də öz biliklərini maksimum nümayiş etdirmələri üçün lazımi şərait yaradılmışdı.

 

Arif MİKAYILOV,

Bərdə şəhər sakini