23 Iyul 2017 12:07
825
Oxucu məktubları
A- A+

Özünüzü bir daha kəşf edin...

 

Ölkəmizdə hər vətəndaşa, o cümlədən əlillərə böyük diqqət və qayğı göstərilir. Bunu şəxsən öz timsalımda aydın görürəm. Dövlətin yaratdığı bütün imtiyazlarından istifadə edirəm.

Hazırda təsviri incəsənət üzrə təhsil alıram. Paralel olaraq dekorativ tətbiqi sənətlə və toxuma ilə də məşğul oluram. Tez-tez satış-sərgilərdə iştirak edir, maddi durumumu yaxşılaşdırıram. Həmişə də əl işlərim tamaşaçılar və alıcılar tərəfindən maraqla qarşılanır.

Bu yaxınlarda Gəncədə keçirilən satış-sərgidə iştiraka dəvət aldım. Sərgiyə 30-a yaxın əl işimi təqdim etdim. Təxminən yarısı satıldı. Bu da məni çox sevindirdi, deməli, mənim əl işlərim evləri bəzəyəcək, uzun illər insanlarda xoş hisslər oyadacaq. Əlbəttə, bu, digər tərəfdən həm də əlavə maddi gəlir deməkdir.

Əlillər adından bizə daim diqqət və qayğı göstərən, cəmiyyətə inteqrasiya olunmağımıza önəm verən hər kəsə minnətdarlığımızı bildiririk.

Eyni zamanda üzümü bədbinliyə qapılan, evdən bayıra çıxmayan əlillərə tutub onları həyata bağlı olmağa, ictimai-sosial fəallığa çağırıram. Fiziki qüsur fəaliyyət imkanlarımızı məhdudlaşdırsa da, həyat eşqimizi söndürməməli, əksinə, bizi həyata möhkəm bağlamalıdır. Hər kəsin mütləq nəyə isə marağı, həvəsi, həm də qabiliyyəti var. Özünüzü bir daha kəşf edin, qurun-yaradın - bu yolla həyatınız maraqlı keçər.

 

Mətanət QULİYEVA,

Gəncə şəhər sakini,  I qrup əlil

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video