02 Iyul 2017 12:07
762
Oxucu məktubları
A- A+

Təbiətin vurduğu ziyan yerli imkanlar hesabına aradan qaldırılıb

 

Danılmaz faktdır ki, ölkəmizdə müharibə veteranlarına, şəhid ailələrinə, aztəminatlı ailələrə dövlət səviyyəsində qayğı göstərilir, onlar hətta mənzillərlə də təmin edilirlər. Müəyyən kateqoriyalara aid şəxslərə pulsuz minik avtomobilləri belə verilir.

Bunu İsmayıllı rayonunun timsalında da görmək olar. 2003-cü ildə İsmayıllı şəhərinin M.F.Axundzadə küçəsində tikilən 27 mənzilli yaşayış binası istifadəyə veriləndə açılışa ölkə rəhbəri cənab İlham Əliyev də gəlmişdi.

Bu yaxınlarda baş verən qasırğa nəticəsində binanın dam örtüyü sıradan çıxmışdı. Rayon rəhbərliyi sakinlərin müraciətini gözləmədən tikinti təşkilatını və maliyyə imkanlarını müəyyənləşdirib dam örtüyünün bərpa edilməsi barədə göstəriş verdi. Qısa vaxtda nəinki binanın dam örtüyü bərpa olundu, hətta ərazidə abadlıq işləri aparıldı, sakinlərin istirahəti və mərasimlərin təşkili üçün lazımi şərait yaradıldı.

İlk baxışda burada qeyri-adi heç nə yoxdur. Lakin bir qədər götür-qoy edib fikirləşəndə görürsən ki, heç də belə deyil. Bu o deməkdir ki, Qarabağ müharibəsində həm canlarından keçənlərin, həm də döyüşlərdə yaralanan, əlil olan insanların fədakarlıqları illər keçsə də, unudulmayıb və heç vaxt unudulmayacaq.

Hörmətli redaksiya! Fürsətdən istifadə edib sakinlər adından binanın tez bir zamanda təmir edilməsində, abadlıq işlərinin aparılmasında əməyi keçən hər kəsə təşəkkürümüzü bildiririk.

 

Vidadi ZƏRBİYEV,

İsmayıllı rayonu, müharibə veteranı 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video