Alternative content

05:46 20 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Əbülfəs Qarayev: Azərbaycanın işğal altındakı torpaqlarına turist axını qeyri-mümkündür
Əbülfəs Qarayev: Azərbaycanın işğal altındakı torpaqlarına turist axını qeyri-mümkündür
ANA SƏHİFƏ / Turizm
05:06 20.06.2017

Dünya Turizm Təşkilatının xüsusi qərarı var ki, işğal altında olan torpaqlarda, təhlükəli ərazilərdə turizmin təbliği və təşkili məqsədəmüvafiq deyil. Bu, beynəlxalq qurumun təsdiq etdiyi bir qərardır və bütün dünya ölkələrinə bu tövsiyə göndərilir. Sözsüz ki, ona əməl edənlər var. Amma təəssüf ki, Ermənistan bu tövsiyəyə məhəl qoymur. Qəbul olunmuş qərarlara hörmətsizlik göstərilməsi bu ölkənin siyasətidir.

AZƏRTAC xəbər verir ki, bu fikirləri mədəniyyət və turizm naziri Əbülfəs Qarayev ermənilərin Dağlıq Qarabağda otellər tikməsinə, işğal olunmuş ərazilərdəki azərbaycanlılara məxsus evlərin təmir olunaraq hostel kimi istifadəyə verilməsinə münasibət bildirərkən söyləyib.

Dünya Turizm Təşkilatının bu işləri pislədiyini vurğulayan nazir deyib: “Mən inanmıram ki bu gün işğal altında olan torpaqlara turist axını olsun. Bu, qeyri-mümkündür. Yəqin ki, kimsə Ermənistanın diaspor təşkilatları hesabına və ya öz daxili imkanları hesabına gedə bilər. Lakin məlum olduğu kimi, həmin ərazilərə gedənlər Azərbaycana gəlmək imkanından məhrum olunurlar. Bütün beynəlxalq qurumlar da bu məsələdə Azərbaycanın mövqeyini dəstəkləyirlər”.