08 Iyun 2017 04:06
888
Turizm
A- A+

Son 2 ildə üç və dörd ulduzlu yüzə yaxın otelin tikintisi aparılıb

Bütün rayonlar üzrə təhlillər aparmışam. Elə rayonlar var ki, turistlər 10 manata, elə yerlər də var ki 30 manata yerləşdirilir. Elə yerlər də var ki, 5-6 nəfərdən ibarət ailəni bir günlük 100 manata yerləşdirirlər. Adambaşına 15 manat düşür. Hesab edirəm ki, Azərbaycanda mövcud olan qiymət səviyyəsinə uyğun olaraq bu ölçülər kifayət qədər qəbul olunandır.

AZƏRTAC xəbər verir ki, bunu jurnalistlərə açıqlamasında mədəniyyət və turizm naziri Əbülfəs Qarayev deyib.

Ə. Qarayev hostellərlə bağlı suallara cavab olaraq qeyd edib ki, özəl evlərdə və yaşayış binalarında mehmanxana fəaliyyəti ilə məşğul olan zaman müvafiq şərtlərə əməl olunması lazımdır: “Bunun üçün şərtlərin hazırlanması ilə bağlı tapşırıqlar verilib. Hazırda onun üzərində işləyirik. Düşünürəm ki, təxminən 2 ay müddətində bu şərtlər təsdiq olunacaq. İnsanlar hostellərin nə olduğunu kifayət qədər aydın təsəvvür edə biləcəklər. Bu gün bu iş pərakəndə şəkildə həyata keçirilir. Lakin tendensiya göstərir ki, bu hostellərə insanlar, xüsusilə gənclər tərəfindən maraq var.

Nazir aşağı ulduzlu otellərlə bağlı qeyd edib ki, statistik məlumatlara əsaslanaraq deyə bilərəm ki, son 2 ildə üç və dörd ulduzlu yüzə yaxın oteli tikintisi aparılıb.

Ə.Qarayev eyni zamanda, vurğulayıb ki, Formula-1 Azərbaycan Qran-Prisinin keçiriləcəyi müddətdə ölkəmizin böyük mehmanxana şəbəkələrinin demək olar ki, 95 faizi dolacaq. Qonaqların sayının çox olacağın gözlənilir. Qonaqların, xüsusilə körfəz ölkələrindən gələnlərin yalnız Bakıda deyil, regionlarda da maraqlı istirahətinin təşkili istiqamətində iş gedir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video