Alternative content

19:36 20 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Azərbaycanda yay turizm mövsümü iyunun 15-də açılacaq
Azərbaycanda yay turizm mövsümü iyunun 15-də açılacaq
ANA SƏHİFƏ / Turizm
11:06 08.06.2017

Son illər Azərbaycanda turizmin inkişafına xüsusi diqqət göstərilir. Turizm infrastrukturunun yenidən qurulması istiqamətində ciddi işlər görülür. Xarici turistlərin ölkəmizə daha çox cəlb olunması üçün mühüm layihələr reallaşdırılıb. Artıq ilin bütün fəsillərində turistlərin Azərbaycana gəlib istirahət etmələri üçün hər cür imkan yaradılıb. Bu il Azərbaycanda yay turizm mövsümü iyunun 15-də açılacaq.

AZƏRTAC xəbər verir ki, bu sözləri jurnalistlərə müsahibəsində mədəniyyət və turizm naziri Əbülfəs Qarayev deyib.

Nazir bildirib ki, sentyabrın 15-dək davam edəcək yay turizm mövsümü müddətində ölkəmizə gələn turistlərin sayında ciddi artım gözlənilir.

Ə.Qarayev vurğulayıb ki, xüsusilə Rusiya və ərəb ölkələrindən ölkəmizə gələn turistlərin sayında artım gözlənilir. Bu turistləri yalnız Bakı şəhərində deyil, regionlarda da maraqlı turlar gözləyir.