04 Iyun 2017 12:06
821
Oxucu məktubları
A- A+

Unudulmaz günlər yaşadıq

Hamı yaxşı bilirdi ki, Bakıda keçirilən  IV İslam Həmrəyliyi Oyunları yüksək səviyyədə təşkil olunacaq. Bunu deməyə əsas da var idi. Götürək iki il əvvəlki ilk Avropa Oyunlarını. Azərbaycan bu idman yarışlarına elə yüksək səviyyədə evsahibliyi etdi ki, dünya heyran qaldı.

 

Bu dəfə də belə oldu. İstər İslamiadanın açılış, istər bağlanış mərasimləri, istərsə də 10 gündən artıq davam edən yarışların təşkili Azərbaycanın nəyə qadir olduğunu bir daha sübut etdi. Sübut etdi ki, Azərbaycan dünyəvi dövlət olmaqla yanaşı,  dinlər, mədəniyyətlərarası dialoqun, yaxınlaşmanın, sülhün  təmsilçisidir. Multikultural dəyərlərin bir arada əmin-amanlıqla mövcud olduğu, tolerantlığın hökm sürdüyü ölkədir, yaratdığı bu bəşəri modellə dünyaya nümunədir. 

Hər belə tədbir Azərbaycanın dövlət müstəqilliyini, dünyada tutduğu mövqeyini daha da möhkəmləndirir. Bu baxımdan İslam Həmrəyliyi Oyunları da müstəsna əhəmiyyətə malikdir. Təəssüf ki, İslam dünyası təmsilçiləri arasında iqtisadi, sosial, mədəni və idman əlaqələri hələ də yetərli sayılacaq səviyyədə deyil.  Tarix və mədəniyyət baxımından yaxın, doğma olan dövlətlər belə müəyyən səbəblərdən bir-birindən ayrı düşüb... 

Sözsüz ki, İslam Həmrəyliyi Oyunlarından sonra iştirakçı ölkələrin Azərbaycana marağı və meyli artacaq. Eləcə də biz onlarla daha yaxından maraqlanmağa başlayacağıq.  Belə tədbirlərin, görüşlərin, yaxınlaşmaların  sayı artdıqca  əlaqələrimiz də genişlənəcək, əməkdaşlığımız da. Elə həmrəylik də ilkin olaraq buradan başlayır...

Qaldı idmançılarımızın çıxışlarına, onlar hər gün bizə həyəcanlı anlar, bol-bol sevincli günlər yaşatdılar. Nəticədə tarixə çevrilən həmin may günləri yaddaşlara əbədi həkk olundu.

 

İlqar HƏTƏMOV,

Şamaxı

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video