Alternative content

07:52 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Azərbaycan Prezidenti Dünya Turizm Təşkilatının Baş katibini “Dostluq” ordeni ilə təltif edib
Azərbaycan Prezidenti Dünya Turizm Təşkilatının Baş katibini “Dostluq” ordeni ilə təltif edib
ANA SƏHİFƏ / Turizm
05:05 11.05.2017

Xəbər verdiyimiz kimi, bu gün İspaniyanın paytaxtı Madriddə Azərbaycan Respublikasının mədəniyyət və turizm naziri Əbülfəs Qarayevin sədrliyi ilə BMT-nin Dünya Turizm Təşkilatının (DTT) 105-ci sessiyası öz işinə başlayıb.

Tədbir çərçivəsində Əbülfəs Qarayev BMT-nin Dünya Turizm Təşkilatı ilə Azərbaycan Respublikası arasında əməkdaşlığın qurulması və möhkəmləndirilməsində səmərəli fəaliyyətinə görə Azərbaycan Respublikası Prezidentinin müvafiq Sərəncamı ilə təltif etdiyi “Dostluq” ordenini ölkəmizin rəhbəri adından DTT-nin Baş katibi Taleb Rifaiyə təqdim edib.

Taleb Rifai bu dəyərli mükafata görə Azərbaycan Respublikası Prezidentinə minnətdarlığını bildirib. Həmçinin Əbülfəs Qarayevə DTT-nin həyata keçirdiyi layihələr və tədbirlərdə 2001-ci ildən etibarən Azərbaycanın yaxından iştirakı, eləcə də beynəlxalq turizmin inkişafına verdiyi töhfə və xidmətlərinə görə təşəkkür edib və nazirə DTT-nin diplomunu təqdim edib.

Qeyd edək ki, ölkəmiz 2001-ci ildən DTT-yə üzv olub və sözügedən təşkilatın bir sıra mühüm layihə və tədbirlərində yaxından iştirak edib. 2013-cü ildə DTT-nin Baş Assambleyasının 20-ci sessiyasında Azərbaycan təşkilatın İcraiyyə Şurasının üzvlüyünə qəbul olunub və həmin vaxtdan etibarən qurumun iclaslarında və məsələlərin müzakirəsində səsvermə hüququ ilə iştirak etməyə başlayıb. 2016-cı ildə isə Azərbaycan DTT-nin İcraiyyə Şurasının Misirin Luksor şəhərində keçirilmiş 104-cü sessiyası zamanı yekdilliklə Şuranın sədri seçilib.

 

AZƏRTAC