08 May 2017 05:05
897
Turizm
A- A+

Qazaxıstan ilə Azərbaycan arasında turizm mübadıləsi artacaq

Azərbaycanın turizm imkanları böyükdür. Bu imkanlardan istifadə etməklə turizmin milli iqtisadiyyatın aparıcı istiqamətinə çevrilməsi sahəsində geniş işlər görülür. Azərbaycanın müsbət turizm imicinin yaradılması və turizm məkanı kimi tanıdılması istiqamətində aparılan məqsədyönlü tədbirlər ölkəyə gələn turistlərin sayının artımına töhfəsini verib.

Azərbaycanla Qazaxıstan arasında, bütün sahələrdə olduğu kimi, mədəniyyət və turizm sahəsində də sıx əməkdaşlıq mövcuddur. Azərbaycan turizm vasitəsilə öz mədəni irsini tanıtmaq və təbliğ etməyə çalışır, eyni zamanda, mədəni irs turizmin inkişafına təkan verir.

Qazaxıstanın turizm şirkətlərinin Azərbaycanda keçirilən beynəlxalq sərgilərdə aktiv iştirakı müştərək əlaqələrə zəmin yarada bilər.

Qazaxıstan Astana şəhərində keçiriləcək beynəlxalq EXPO sərgisinə ciddi hazırlaşır.

Sərgidə Azərbaycanın həm mədəniyyəti, həm də turizm imkanlarının geniş sərgilənəcəyi gözlənilir.

Qazaxıstanın İnvestisiya və İnkişaf Nazirliyinin Turizm Sənayesi Departamentinin verdiyi məlumata görə son zamanlar bu ölkədən Azərbaycana 23066, Azərbaycandan Qazaxıstana isə 94846 turist gəlib.

Departamentdən onu da bildiriblər ki, Türkdilli Dövlətlərin Əməkdaşlıq Şurası Türkiyə, Azərbaycan, Qazaxıstan və Qırğızıstandan keçən “Müasir İpək Yolu” pilot turizm layihəsinə start verib. Artıq layihənin birinci hissəsi başa çatıb.

 

AZƏRTAC

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video