07 May 2017 01:05
317
PARLAMENT
A- A+

Azərbaycan-Yunanıstan parlamentlərarası əlaqələri barədə fikir mübadiləsi aparılıb

Mayın 6-da Azərbaycan Respublikası Milli Məclisinin beynəlxalq münasibətlər və parlamentlərarası əlaqələr komitəsinin sədri Səməd Seyidov ölkəmizdə səfərdə olan Yunanıstan-Azərbaycan parlamentlərarası dostluq qrupunun üzvü Andreas Loverdos ilə görüşüb.

AZƏRTAC xəbər verir ki, IV Ümumdünya Mədəniyyətlərarası Dialoq Forumunun iştirakçısı olan Andreas Loverdos Azərbaycana ötən səfərlərindən danışıb, hələ gənc siyasətçi olduğu dövrdə ulu öndər Heydər Əliyevin ona dəyərli tövsiyələr verdiyini minnətdarlıqla xatırlayıb. Qonaq Mədəniyyətlərarası Dialoq Forumu barədə təəssüratlarını bölüşərək qeyd edib ki, bu Forum ölkələrarası və parlamentlərarası əlaqələrin güclənməsinə ciddi təkan verir.

Səməd Seyidov ikitərəfli münasibətlərin inkişafında parlamentlərarası əlaqələrin rolunu xüsusi vurğulayıb. AŞPA-da Yunanıstan nümayəndə heyətinin Azərbaycan nümayəndə heyətini dəstəklədiyini razılıqla bildirib. Ölkəmizin uğurlu neft strategiyasından danışan komitə sədri hazırda qeyri-neft sektorunun inkişafına xüsusi diqqət yetirildiyini söyləyib. Bildirib ki, Azərbaycan tolerant ölkədir, burada etiqad bəslədiyi dinə və ya məzhəbə görə vətəndaşlar arasında ayrı-seçkilik yoxdur.

 

x x x

 

Həmin gün Milli Məclisdə Yunanıstanla parlamentlərarası əlaqələr üzrə işçi qrupu üzvlərinin Yunanıstan-Azərbaycan parlamentlərarası dostluq qrupunun nümayəndəsi Andreas Loverdos ilə görüşü keçirilib.

Milli Məclisin əmək və sosial siyasət komitəsinin sədri, Yunanıstanla parlamentlərarası əlaqələr üzrə işçi qrupunun rəhbəri Hadi Rəcəbli ölkələrimiz arasında əlaqələrin inkişafında parlamentlərin rolundan danışıb. Qeyd edilib ki, qarşılıqlı səfərlər ikitərəfli dialoqun inkişafına və münasibətlərimizin möhkəmlənməsinə xidmət edir. Qanunverici orqanlar arasında əməkdaşlığın möhkəmlənməsində dostluq qruplarının fəaliyyəti böyük əhəmiyyət kəsb edir.

Hadi Rəcəbli Bakıda keçirilən IV Ümumdünya Mədəniyyətlərarası Dialoq Forumu barədə söhbət açıb. Burada müzakirə olunan məsələlərin bütün dünya ölkələri üçün aktual olduğunu söyləyib. Bildirilib ki, Azərbaycanda müxtəlif xalqların, dinlərin nümayəndələri qarşılıqlı anlaşma şəraitində yaşayırlar. Multikultural dəyərlər ölkəmizdə hər zaman önəmli hesab olunub.

Andreas Loverdos dövlətlərarası münasibətlərin inkişafında parlamentlər səviyyəsində əlaqələrin xüsusi yer tutduğunu söyləyib. Bildirilib ki, hər iki ölkənin qanunvericilik orqanında dostluq qruplarının fəaliyyət göstərməsi təqdirəlayiqdir. Yunanıstanlı deputat qanun yaradıcılığı sahəsində təcrübə və informasiya mübadiləsi baxımından qarşılıqlı səfərlərin əhəmiyyətli olduğunu deyib. Qonaq ölkəmizə ilk səfərlərini, burada keçirdiyi görüşləri xoş təəssüratlarla xatırlayıb. Bu illər ərzində Azərbaycanda müşahidə olunan inkişafdan məmnunluğunu ifadə edib.

Andreas Loverdos Bakıda keçirilən Forumun əhəmiyyəti barədə danışaraq bildirib ki, yüksək səviyyədə təşkil olunmuş bu tədbir ölkələr arasında münasibətlərin dərinləşməsinə, millətlərarası dialoqun inkişafına zəmin yaradacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video