Azərbaycan parlamentində bir sıra görüşlər olub
Mayın 4-də Milli Məclis sədrinin müavini Valeh Ələsgərov ölkəmizdə səfərdə olan Brüssel-Paytaxt Regionu Parlamentinin nümayəndə heyəti ilə görüşüb.
AZƏRTAC xəbər verir ki, görüşdə Valeh Ələsgərov Azərbaycanın qazandığı uğurlardan, ölkəmizdə həyata keçirilən islahatlardan geniş söz açıb.
Milli Məclis sədrinin müavini deyib ki, Azərbaycanın xarici ticarətdə əsas tərəfdaşları Avropa İttifaqı ölkələridir. Bu gün Azərbaycanda yüzlərlə Avropa şirkəti çalışır, iqtisadiyyatımızın inkişafına öz töhfələrini verir. Əfsuslar olsun ki, Belçika ilə Azərbaycan arasında iqtisadi əlaqələr istənilən səviyyədə deyil. Ancaq ölkəmizdə iyirmiyə yaxın Belçika şirkəti daimi olaraq fəaliyyət göstərir.
Azərbaycanın bərabərhüquqlu tərəfdaş kimi hər bir ölkə ilə əməkdaşlığa hazır olduğunu söyləyən V.Ələsgərov qonaqlara ölkəmizin təşəbbüsü ilə həyata keçirilən iri enerji, nəqliyyat layihələri barədə məlumat verib.
Söhbət zamanı Milli Məclis sədrinin müavini Ermənistan-Azərbaycan, Dağlıq Qarabağ münaqişəsinin ağır nəticələri barədə də danışıb.
Valeh Ələsgərov Bakıda keçirilən IV Ümumdünya Mədəniyyətlərarası Dialoq Forumunun əhəmiyyətini qeyd edib, Azərbaycanın sivilizasiyalararası və dinlərarası dialoqa verdiyi töhfədən söhbət açıb.
Brüssel-Paytaxt Regionu Parlamentinin vitse-prezidenti Emin Özkara Ümumdünya Mədəniyyətlərarası Dialoq Forumunun ölkələr və xalqlar arasında əlaqələrin möhkəmləndirilməsi baxımından yaxşı platforma olduğunu deyib.
Parlamentin nümayəndələri Azərbaycanda olduqları müddətdə ölkəmizin tarixi, mədəniyyəti və müxtəlif sahədəki uğurları ilə yaxından tanış olduqlarını bildiriblər.
x x x
Həmin gün Milli Məclis sədrinin müavini Valeh Ələsgərov IV Ümumdünya Mədəniyyətlərarası Dialoq Forumunda iştirak etmək üçün ölkəmizdə səfərdə olan ABŞ-ın Aydaho ştatının senatoru Mark Hagedorn ilə də görüşüb.
Valeh Ələsgərov Azərbaycan-ABŞ əlaqələrindən danışıb, bu əlaqələrin möhkəm təməllər üzərində qurulduğunu vurğulayıb. O, ölkələrimizin müxtəlif sahələrdə əməkdaşlığı inkişaf etdirməsi üçün yaxşı imkanların olduğunu söyləyib. Bildirib ki, Azərbaycan üçün kənd təsərrüfatı məhsullarının istehsalı və ixracı, turizmin inkişafı, müasir texnologiyalar əsasında qurulmuş istehsalın təşkili çox önəmlidir. Bu baxımdan, ABŞ-ın ayrı-ayrı ştatlarının təcrübəsini öyrənmək də ölkəmiz üçün faydalı olar.
Aydaho ştatında müasir texnologiyalar əsasında qurulmuş sənaye, tədqiqat müəssisələrinin fəaliyyətindən danışan V.Ələsgərov bildirib ki, bu ştat bu gün turizm məkanına çevrilib. Azərbaycanın turizmin inkişafına önəm verdiyini deyən sədr müavini Aydahonun bu sahədə də təcrübəsinin öyrənilməsinin faydalı ola biləcəyini qeyd edib.
Senator Mark Hagedorn Azərbaycanın neft və qaz sahəsində həyata keçirdiyi uğurlu islahatlardan xəbərdar olduqlarını bildirərək deyib: “Ölkənizin bu sahədəki təcrübəsi bizim üçün də maraqlıdır. Bu yaxınlarda Aydaho ştatında neft və qaz ehtiyatları kəşf edilib. Bu, bizim üçün çox böyük bir hadisədir. Amma bilmirik ki, neft və qaz ehtiyatlarından necə istifadə edək. Ona görə də bu sahədə Azərbaycanın təcrübəsindən bəhrələnəcəyik. Azərbaycanın təcrübəsi bizim üçün çox önəmlidir”.
Senator Azərbaycanın böyük mədəniyyətlərin, adət-ənənələrin məhək daşı olduğunu vurğulayıb. O deyib ki, ABŞ Azərbaycanla bir sıra sahələrdə əməkdaşlıq imkanlarını genişləndirir, xüsusilə də iqtisadi əlaqələrin gücləndirilməsi vacib və əhəmiyyətlidir.
x x x
Mayın 4-də Brüssel-Paytaxt Regionu Parlamenti nümayəndə heyətinin Milli Məclisdə daha bir görüşü beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva ilə olub.
Sevinc Fətəliyeva Azərbaycanda keçirilən mötəbər beynəlxalq tədbirlər, xüsusilə Ümumdünya Mədəniyyətlərarası Dialoq Forumu barədə danışıb. O, həmçinin ölkəmizdə hökm sürən multikultural, tolerant mühit barədə məlumat verib,
2016-cı ilin Azərbaycanda “Multikulturalizm İli”, 2017-ci ilin isə “İslam Həmrəyliyi İli” elan olduğunu qeyd edib.
Ermənistan-Azərbaycan, Dağlıq Qarabağ münaqişəsindən danışan S.Fətəliyeva bildirib ki, ölkəmiz bu problemin sülh yolu ilə həll olunmasının tərəfdarıdır. Lakin Ermənistanın qeyri-konstruktiv mövqeyi ucbatından problem indiyədək həllini tapmayıb. O, Azərbaycan ərazisinin 20 faizinin işğal olunduğunu, ölkəmizin bir milyondan çox qaçqın və məcburi köçkün problemi ilə üzləşdiyini diqqətə çatdırıb.
Komitə sədrinin müavini bu gün beynəlxalq münasibətlərdə ikili standartların artıq normaya çevrildiyini bildirib, bunun qəbuledilməz olduğunu vurğulayıb. O əlavə edib ki, Azərbaycan sağlam, bərabərhüquqlu əməkdaşlığı qəbul edən bir dövlətdir.
Brüssel-Paytaxt Regionu Parlamentinin vitse-prezidenti Emin Özkara IV Ümumdünya Mədəniyyətlərarası Dialoq Forumunda iştirakından məmnunluğunu bildirib. O, bu səfərin, eyni zamanda, Azərbaycan xalqı və mədəniyyəti ilə yaxından tanış olmaq imkanı yaratdığını qeyd edib. Xalqlar arasında düzgün münasibətlərin formalaşmasında parlament diplomatiyasının rolu xüsusi vurğulanıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"Avtomobil yolları haqqında" Azərbaycan Respublikasının Qanununda dəyişiklik edilməsi barədə...
29 Mart
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq e...
29 Mart
"Avtomobil yolları haqqında" Azərbaycan Respublikasının Qanununda dəyişiklik edilməsi barədə" Azərba...
29 Mart
“Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitəl...
29 Mart
“Ödəniş xidmətləri və ödəniş sistemləri haqqında” Azərbaycan Respublikasının 2023-cü il 14 iyul tari...
29 Mart
Azərbaycan Respublikası Nazirlər Kabinetinin 2020-ci il 10 yanvar tarixli 5 nömrəli Qərarı ilə təsdi...
29 Mart
“Azərbaycan Respublikası Prezidentinin “Azərbaycan Respublikasının Vergi Məcəlləsində dəyişiklik edi...
29 Mart
“Azərbaycan Respublikası Prezidentinin “Vətəndaşların müraciətləri haqqında” Azərbaycan Respublikası...
29 Mart
“Bakı şəhərətrafı dəmiryol nəqliyyatı ilə sərnişindaşıma fəaliyyəti üzrə subsidiya verilməsi Qaydala...
29 Mart
“Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” ...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!