Alternative content

08:47 24 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Böyük Britaniya Lordlar Palatasının üzvü Milli Məclisdə olub
Böyük Britaniya Lordlar Palatasının üzvü Milli Məclisdə olub
ANA SƏHİFƏ / PARLAMENT
03:05 04.05.2017

Mayın 4-də Milli Məclisin sədri Oqtay Əsədov IV Ümumdünya Mədəniyyətlərarası Dialoq Forumunda iştirak etmək üçün ölkəmizdə səfərdə olan Böyük Britaniya Lordlar Palatasının üzvü, Böyük Britaniya-Azərbaycan parlamentlərarası dostluq qrupu rəhbərinin müavini Baronessa Zahida Manzur ilə görüşüb.

AZƏRTAC xəbər verir ki, Oqtay Əsədov Ümumdünya Mədəniyyətlərarası Dialoq Forumunun beynəlxalq əməkdaşlığın inkişafına mühüm töhfələr verdiyini söyləyib. O, Baronessa Zahida Manzurun Forumda iştirakından məmnunluğunu qeyd edib. Milli Məclisin sədri belə səfərlərin parlamentlərarası əlaqələrin daha da inkişafında mühüm rol oynadığını diqqətə çatdırıb.

Azərbaycanın yaxın dostu olduğunu deyən Baronessa Zahida Manzur ölkəmizə səfərindən və IV Ümumdünya Mədəniyyətlərarası Dialoq Forumunda iştirakından şad olduğunu söyləyib. O, Britaniya-Azərbaycan parlamentlərarası əməkdaşlığının daha da inkişaf edəcəyinə əminliyini bildirib.

Söhbət zamanı qarşılıqlı maraq doğuran məsələlər ətrafında fikir mübadiləsi aparılıb.