30 Aprel 2017 12:04
971
Oxucu məktubları
A- A+

Köhnə qəbirləri uçurdub yerində təmtəraqlısını ucaldırlar

 

Ölüm haqdır. Bir gün dünyaya gələn bir gün də dünyadan köçəcək. Kimin necə yaşamasından, həyatını necə başa vurmasından asılı olmayaraq hər kəsin son ünvanı qəbiristanlıqdır. Dəbdəbəli məzarlar, başdaşları, qəbir üstləri ətrafında cəmiyyətdə mütəmadi müzakirələr aparılır. Əsasən də bu hallar qınanır.

İlahiyyatçılar da belə məzarların İslam dininə zidd olduğunu söyləyirlər. İctimai xadimlər, mütərəqqi düşüncəli şəxslər insanlara sağlığında dəyər verilməsindən bəhs edir, bahalı daşa-mərmərə xərclənən vəsaitin bir kimsəyə faydası olmadığını izah etməyə çalışırlar. Ancaq təəssüflər olsun ki, hələ də bu “ənənə” davam etməkdədir: bəzi şəxslər külli miqdarda vəsait xərcləyib haqq dünyasına qovuşmuş əzizləri üçün  təmtəraqlı məzarlar qurdururlar. Dinimizə görə qəbir itib torpağa qarışmalıdır. Lakin bu proses təbii, zaman axarında olmalıdır.

Ancaq Gəncədəki “Səbzkar” adlanan qəbiristanlıqda gördüklərim məni bu məktubu yazmağa vadar etdi. Şəhər mərkəzindəki bu qəbiristanlığın ətrafı bir neçə il əvvəl kərpiclə yenidən hasarlanıb. Kənardan görünüşü normaldır. Ancaq...

Mənim də yaxınlarım bu qəbiristanlıqda dəfn olunduğundan mütəmadi onların qəbirlərini ziyarət etməyə gedirəm. Hər dəfə də yeni-yeni dəbdəbəli qəbirlər görürəm. Sonuncu dəfə də belə oldu. Dayanıb onlara baxdım. Əvvəllər həmin yerdə kərpicdən hörülmüş köhnə qəbirlər var idi. İndi yeni məzarlar köhnə qəbirlərin yerində düzəldilib. Bəziləri deyir ki, kimlərsə qəsdən köhnə, kiçik, yiyəsiz qəbirləri yararsız hala salır. Bunun nə məqsədlə edildiyini anlamaq üçün onların yerində “ucaldılan” nəhəng sərdabalara baxmaq yetərlidir. Bu üsulla böyüdülüb genişləndirilən qəbirlər arasındakı keçidlər zəbt edilərək bağlanır. Halbuki belələri həmin pulu ehtiyacı olan yerlərə xərcləsələr, qınaq yiyəsi yox, savab yiyəsi olarlar. Bu, hamıya da xoş gələr.

 

Solmaz BAĞIROVA,

Gəncə şəhərinin sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video