23 Aprel 2017 12:04
1149
Oxucu məktubları
A- A+

Ən ali əsəri öz heykəli oldu...

 

Samir Kaçayev  gələcək vəd edən gənc heykəltəraş idi.  2015-ci ildə Azərbaycan Dövlət Rəssamlıq Akademiyasını bitirdikdən sonra magistraturaya daxil olmuşdu.  İstedadlı idi. Sənətdə ilk uğurlarını da qazanmışdı.  Sənətşünaslar işlərini bəyənirdi, əsərləri mükafatlara layiq görülürdü.  Sonuncu dəfə mükafatı məzun olduğu və əsgərliyə yollandığı ilin  noyabr ayında almışdı. Azərbaycan Respublikasının Prezidenti yanında Gənclər Fondunun  və Bakı Beynəlxalq Multikulturalizm Mərkəzinin təşkilati dəstəyi ilə həyata keçirilmiş  “Tolerant Azərbaycan gənci” müsabiqə-sərgi layihəsinin  qaliblərindən olmuşdu.  Əsgərlikdə  olsa da,  mükafatlandırma mərasiminə dəvət almış, hərbi komandanlıq da onun bu tədbirdə iştirakına şərait yaratmışdı. 

Mükafatını respublikamızın adlı-sanlı sənətşünaslarının əlindən almışdı. Onlar  Samir haqqında xoş sözlər söyləmiş, ona yaradıcılıq uğurları arzulamışdılar. Ancaq onun növbəti, son və  ən möhtəşəm əsəri  qəhrəmanlığı ilə ölkənin  tarixində,  xalqın qəlbində qurduğu  öz heykəli oldu:   ötən il aprel döyüşlərində iştirak etdi, hərbi tapşırığı şücaətlə yerinə yetirdi. Burada da fərqləndi, igidlik göstərdi və qəhrəmancasına şəhid oldu. Prezidentin sərəncamı ilə Samir Kaçayev  “İgidliyə görə” medalına layiq görüldü. Doğma Şamaxıda, Çuxuryurd kəndində  dəfni zamanı onunla vidalaşmağa gələnlərin sayı-hesabı yox idi: sanki bütün Şamaxı, Şirvan eli burada idi.

Samir sənətini və Vətənini çox sevirdi. Hər ikisi uğrunda canından belə keçməyə hazır idi. Keçdi də - seçimi Vətən oldu. Torpaqlarımızın işğaldan azad edilməsi, respublikamızın ərazi bütövlüyünün təmin olunması naminə əbədiyyətə qovuşdu. Samir Kaçayev qısa dövrdə yaratdığı əsərləri və  hərbi zəfər  tariximizə  yazılan şanlı aprel döyüşlərində göstərdiyi şücaətlə Azərbaycan xalqının qəlbində əbədi yaşayacaqdır. Son bir ildə onun əsərlərinin sərgisi keçirilib, haqqında nəfis tərtibatlı “Samir Kaçayev. Heykəltəraşlıq” bədii albom-kitab nəşr edilib. Azərbaycan Dövlət Rəssamlıq Akademiyasının Heykəltəraşlıq fakültəsi   Samirin heykəlini yaradıb və bu abidə şəhidimizin məzarı üzərinə qoyulub.

 

Zamik RZAYEV,

şəhidin tələbə yoldaşı

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video