Alternative content

13:01 21 Noyabr 2018
ONLINE XƏBƏR LENTİ
FOTOXRONİKA
Bakı bu gün - FOTO REPORTAJ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV İslam Həmrəyliyi Oyunları növbəti bir fürsətdir
İslam Həmrəyliyi Oyunları növbəti bir fürsətdir
ANA SƏHİFƏ / Oxucu məktubları
12:04 23.04.2017

 

Avropa Oyunları Qərbdə Azərbaycanın tanıdılması, dövlətimizin beynəlxalq siyasi arenada mövqelərinin möhkəmləndirilməsi baxımından nə qədər əhəmiyyətli idisə, İslam Həmrəyliyi Oyunları da bir o qədər dəyərlidir.

Təəssüf ki, mental, dini, mədəni yaxınlığa baxmayaraq Şərq, İslam  ölkələri arasında münasibətlər  yetərli səviyyədə qurulmayıb. İslam dünyasının müəyyən bir qismi  sanki bir-birindən ayrı düşüb. Halbuki, bütün sahələrdə - iqtisadi, siyasi, o cümlədən mədəni əməkdaşlıq üçün geniş imkanlar mövcuddur. Azərbaycan  Şərq, İslam dünyası ilə saf dəyərlər, maraqlar üzərində əməkdaşlığa xüsusi önəm verdiyindən bu il Bakıda keçiriləcək IV İslam Həmrəyliyi Oyunları bizim üçün müstəsna əhəmiyyət daşıyır.  Həmrəylik üçün ilk növbədə dərin tanışlıq və  bəşəri dəyərlər üzərindən vahid mövqe nümayişi tələb olunur. Etiraf etmək lazımdır ki, nə biz  bəzi müsəlman ölkələrini yaxşı tanıyırıq, nə də onlar bizi. Odur ki, hər bir kəs Azərbaycanın tanıdılması, həqiqətlərinin təbliği üçün Oyunlar zamanı da ictimai fəal olmalı, ölkəmizdə keçirilən  növbəti beynəlxalq idman tədbirinin uğurla yekunlaşmasına səy göstərməlidir.

Hər bir ölkə komandası ilə bərabər onların KİV nümayəndələri də Azərbaycanda olacaq. İdmançılar və onları müşayiət edən media nümayəndələri ilə yanaşı, bu ölkələrdən turistlər  də gələcək. İlk təəssürat adətən həlledici olur. İlk dəfə İslam dünyasını öz “çətir”i  altına  bu formatda toplayacaq  Azərbaycan,  şübhəsiz ki,  yenə də  qonaqpərvərliyi, inkişafı, nailiyyətləri ilə gələnləri razı salacaq. Bununla belə, elə edək ki, bizdən narazı qalan olmasın. Bunun üçün ictimai yerlərdə, nəqliyyatda, idman arenalarında etik normalara riayət etmək,  qonaqlara ənənəvi isti münasibət bəsləmək yetərlidir. Unutmayaq ki, dünyanın gözü yenə də  Bakıya yönələcək və onların arasında bədniyyətlilər də olacaq.  Odur  ki,  hər birimiz səfərbər olmalı, vətəndaş həmrəyliyi üzərindən İslam həmrəyliyinə  rəvac verməliyik. 

 

Salman ALLAHVERDİYEV,

Bakı şəhər sakini

 


NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU


VALYUTA


ARXİV


TƏQVİM