23 Aprel 2017 12:04
733
Oxucu məktubları
A- A+

İslam Həmrəyliyi Oyunları növbəti bir fürsətdir

 

Avropa Oyunları Qərbdə Azərbaycanın tanıdılması, dövlətimizin beynəlxalq siyasi arenada mövqelərinin möhkəmləndirilməsi baxımından nə qədər əhəmiyyətli idisə, İslam Həmrəyliyi Oyunları da bir o qədər dəyərlidir.

Təəssüf ki, mental, dini, mədəni yaxınlığa baxmayaraq Şərq, İslam  ölkələri arasında münasibətlər  yetərli səviyyədə qurulmayıb. İslam dünyasının müəyyən bir qismi  sanki bir-birindən ayrı düşüb. Halbuki, bütün sahələrdə - iqtisadi, siyasi, o cümlədən mədəni əməkdaşlıq üçün geniş imkanlar mövcuddur. Azərbaycan  Şərq, İslam dünyası ilə saf dəyərlər, maraqlar üzərində əməkdaşlığa xüsusi önəm verdiyindən bu il Bakıda keçiriləcək IV İslam Həmrəyliyi Oyunları bizim üçün müstəsna əhəmiyyət daşıyır.  Həmrəylik üçün ilk növbədə dərin tanışlıq və  bəşəri dəyərlər üzərindən vahid mövqe nümayişi tələb olunur. Etiraf etmək lazımdır ki, nə biz  bəzi müsəlman ölkələrini yaxşı tanıyırıq, nə də onlar bizi. Odur ki, hər bir kəs Azərbaycanın tanıdılması, həqiqətlərinin təbliği üçün Oyunlar zamanı da ictimai fəal olmalı, ölkəmizdə keçirilən  növbəti beynəlxalq idman tədbirinin uğurla yekunlaşmasına səy göstərməlidir.

Hər bir ölkə komandası ilə bərabər onların KİV nümayəndələri də Azərbaycanda olacaq. İdmançılar və onları müşayiət edən media nümayəndələri ilə yanaşı, bu ölkələrdən turistlər  də gələcək. İlk təəssürat adətən həlledici olur. İlk dəfə İslam dünyasını öz “çətir”i  altına  bu formatda toplayacaq  Azərbaycan,  şübhəsiz ki,  yenə də  qonaqpərvərliyi, inkişafı, nailiyyətləri ilə gələnləri razı salacaq. Bununla belə, elə edək ki, bizdən narazı qalan olmasın. Bunun üçün ictimai yerlərdə, nəqliyyatda, idman arenalarında etik normalara riayət etmək,  qonaqlara ənənəvi isti münasibət bəsləmək yetərlidir. Unutmayaq ki, dünyanın gözü yenə də  Bakıya yönələcək və onların arasında bədniyyətlilər də olacaq.  Odur  ki,  hər birimiz səfərbər olmalı, vətəndaş həmrəyliyi üzərindən İslam həmrəyliyinə  rəvac verməliyik. 

 

Salman ALLAHVERDİYEV,

Bakı şəhər sakini

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video