Alternative content

12:34 24 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Səbəbini demədən hər həftə qazı kəsirlər
Səbəbini demədən hər həftə qazı kəsirlər
ANA SƏHİFƏ / Oxucu məktubları
12:04 23.04.2017

 

Ölkəmiz inkişaf etdikcə keçmişdən  qalan problemlər də öz həllini tapır. Yaşayış məntəqələrinə təbii qazın verilməsinin bərpası da həlli vacib məsələlərdən idi.

İndi nəinki mərkəzi şəhərlərin, eləcə də ən ucqar kəndlərin qazlaşdırılması uğurla həyata keçirilir. Qazla təmin edilməyən yaşayış məntəqələri çox azdır. Yaxın gələcəkdə bütün ölkə tamamilə təbii qazla təmin ediləcək.

Lakin qaz təminatı ilə bağlı arzuolunmaz hallarla da qarşılaşırıq. Yaşadığımız ünvan şəhər mərkəzindən o qədər də uzaqda deyil. Ancaq həftədə bir gün qazın kəsilməsi sakinlər arasında həm narahatlıq, həm də təhlükə yaradır. Səbəbini soruşanda deyirlər ki, təmir işləri gedir. Bəs, bu təmir nədən ibarətdir sualına cavab verən yoxdur. Başa düşə bilmirik, məgər, hər həftə təmir işləri aparılır? Aparılırsa, niyə iş birdəfəlik sona çatdırılanadək davam etdirilmir? Ümumiyyətlə, o necə təmirdir ki, yalnız həftənin bir günü görülür?

 

Firuddin CƏFƏROV,

Gəncə şəhəri, Atatürk prospekti, ev 133