Alternative content

08:47 24 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV "Yerli (bələdiyyə) vergilər və ödənişlər haqqında" Qanuna təklif olunan dəyişikliklər müzakirə edilib
"Yerli (bələdiyyə) vergilər və ödənişlər haqqında" Qanuna təklif olunan dəyişikliklər müzakirə edilib
ANA SƏHİFƏ / PARLAMENT
02:04 11.04.2017

Aprelin 11-də Milli Məclisin regional məsələlər komitəsinin iclasında "Yerli (bələdiyyə) vergilər və ödənişlər haqqında" Qanunda dəyişikliklər edilməsi barədə qanun layihəsi müzakirə edilib.

AZƏRTAC xəbər verir ki, regional məsələlər komitəsinin sədri Arif Rəhimzadə qanun layihəsi barədə məlumat verib.

Dəyişikliyə əsasən qanunun 5.4-cü maddəsi dəyişdirilərək yeni redaksiyada veriləcək. Belə ki, təklif edilən dəyişikliyə əsasən bələdiyyələrə ödənilən fiziki şəxslərin torpaq və əmlak vergisinin hesablanması və tutulması məqsədilə müvafiq bələdiyyənin təşkil edildiyi ərazi vahidləri hüdudlarında mülkiyyətində olan yaşayış və qeyri-yaşayış sahələrinin ölçüləri, ünvanı, onların mülkiyyətçiləri olan fiziki şəxslər, habelə fiziki şəxslərin mülkiyyətində və istifadəsində olan torpaq sahələrinin ölçüləri və ünvanı barədə məlumatlar həmin bələdiyyə tərəfindən dövlət reyestrindən elektron informasiya sistemləri vasitəsilə real vaxt rejimində ödənişsiz əldə edilir.

Komitə sədri qeyd edib ki, əvvəllər bələdiyyələr həmin sadalanan informasiyaları əldə etmək üçün müəyyən vəsait xərcləmək məcburiyyətində qalırdılarsa, yeni dəyişikliyə əsasən bələdiyyələr heç bir ödəniş etmədən daşınmaz əmlakları və onların sahələri haqqında məlumat əldə edə biləcəklər.

Bundan başqa, qanunun 5.3-cü maddəsi ləğv olunur.

Sonda qanun layihəsi Milli Məclisin plenar iclasına tövsiyə olunub.