05 Aprel 2017 01:04
871
Birinci vitse-prezident
A- A+

İslamiada simvolik başlanğıcını Xəzərdən götürəcək

 

Azərbaycan Respublikasının Birinci vitse-prezidenti, İslam Həmrəyliyi Oyunlarının Təşkilat Komitəsinin sədri Mehriban ƏLİYEVA:  “Bakı-2017”nin ruhu paytaxtdan ölkənin bütün guşələrinə yayılacaq

 

İslam mədəniyyətində mühüm yer tutan ən həyati elementlərdən biri - su Qafqaz dağlarından başlayaraq Xəzər dənizinə qədər Azərbaycanın gözoxşayan mənzərələrində silinməz iz qoymuşdur. “Xəzərdən başlayan səyahət” tədbirlərinin proqramı çərçivəsində “Bakı-2017” İslam Həmrəyliyi Oyunlarının ruhu paytaxtdan ölkəmizin bütün guşələrinə yayılacaq.

Səyahət aprelin 5-də Bakıdan başlayacaq. Həmin gün Azərbaycan Respublikasının Prezidenti İlham Əliyev Daş salnamə muzeyində “Bakı-2017” İslam Həmrəyliyi Oyunlarının başlanğıc mərasiminə rəsmən start verəcək. Sonrakı 37 gün ərzində ölkənin 15 məkanında minlərlə insanı bir araya gətirəcək su mərasimləri və festivalları kimi silsilə tədbirlər böyük xalqımızın çoxşaxəli gözəlliklərini nümayiş etdirəcək. Səyahət mayın 12-də Bakı Olimpiya Stadionunda açılış mərasimi ilə başa çatacaq, çünki həmin tarixdə Azərbaycanın saf suları İslam aləminin 50-dən çox ölkəsini oyunlarda salamlayacaq.

Sizi ölkəmizin zəngin təbii xəzinəsi ilə tanış olmaq, oyunların hər kəsin ürəyində oyadacaq hissləri duymaq üçün Azərbaycan boyu bu səyahətə dəvət etməkdən məmnunam.

 

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video