30 Mart 2017 12:03
759
Oxucu məktubları
A- A+

Novruz öncəsi kəndə verilən təbii qaz bayram ovqatımızı yüksəldib

 

Cəbhə xəttində yerləşməsinə, mütəmadi atəş altında qalmasına baxmayaraq, bölgədə sürətlə inkişaf edən rayonlardan biri də Goranboydur.  İstər rayon mərkəzində, istər kəndlərdə, eləcə də təmas zonasındakı yaşayış məntəqələrində  sanballı sosial-iqtisadi layihələr həyata keçirilməkdədir.  Abadlıq-quruculuq işləri  Goranboyda geniş vüsət alıb.

Rayonumuz gözəlləşir və  müasirləşir. Müharibə şəraitində yaşasaq da, həyat öz ahəngində davam edir.  İnsanların  əhvali-ruhiyyəsi yüksəkdir. Düşmən atəşi nəticəsində dağıdılan infrastruktur, obyektlər, evlər, təsərrüfatlar qısa  zamanda bərpa olunur.  Şübhəsiz,  sosial tərəqqi sosial rifah deməkdir. Yaşayış məntəqələrinin fasiləsiz enerji ilə təminatı naminə həyata keçirilmiş işlər əhali tərəfindən məmnunluqla qarşılanır. Elektrik şəbəkəsi yenidən qurulmaqdadır. Təbii qaz çəkilişi, demək olar ki, bütün rayonu əhatə edib.

Nəhayət, martın ilk günlərində bizim də kəndə təbii qaz verildi. Hər halda, kənddə təbii qazın  əhəmiyyətini izah etməyə ehtiyac yoxdur. Mavi yanacaq əvəzsiz nemətdir: can rahatlığı, təmizlik, istilik və yeni təsərrüfat imkanları deməkdir. Bu, həm də  təbiətin qorunmasına bir töhfədir - daha  odun üçün ağacları qırmaq məcburiyyətində qalmayacağıq. Bahar, Novruz öncəsi kəndə verilən təbii qaz bayram ovqatımızı bir qədər də yüksəldib. 

 

Fəxrəddin MƏMMƏDOV,

Goranboy rayonu, Səmədabad kənd sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video