16 Mart 2017 09:03
311
PARLAMENT
A- A+

Azərbaycan və Qırğızıstan parlamentləri arasında əlaqələr uğurla inkişaf edir

V Qlobal Bakı Forumunda iştirak etmək üçün ölkəmizdə səfərdə olan Qırğızıstan Joqorku Keneşinin deputatları martın 16-da Milli Məclisdə Azərbaycan-Qırğızıstan parlamentlərarası əlaqələr üzrə işçi qrupunun üzvləri ilə görüşüblər.

AZƏRTAC xəbər verir ki, Azərbaycan-Qırğızıstan parlamentlərarası əlaqələr üzrə işçi qrupunun rəhbəri Musa Quliyev ölkələrimiz arasında dostluq münasibətlərinin tarixi köklərindən danışıb. Qeyd edib ki, bu gün ölkələrimiz arasındakı münasibətlər yüksələn xətt üzrə inkişaf edir. Azərbaycan ilə Qırğızıstan beynəlxalq təşkilatlar çərçivəsində də uğurlu əməkdaşlıq edirlər. Münasibətlərin inkişafında parlamentlərarası dostluq qruplarının özünəməxsus rolu var.

Joqorku Keneşin deputatı Bahadır Süleymanov vurğulayıb ki, Qırğızıstan Azərbaycanın ərazi bütövlüyünü tanıyır və birmənalı olaraq dəstəkləyir. Müstəqillik dövründə siyasi və diplomatik sahədə yaxşı münasibətlər qurmuşuq. O, ölkələrimizin müxtəlif sahələrdə uğurlu əməkdaşlıq etdiyini bildirib. Bir sıra istiqamətlərdə, o cümlədən humanitar sahədə əlaqələrin daha da genişləndirilməsinin səmərəli olacağını deyib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video