16 Mart 2017 09:03
313
PARLAMENT
A- A+

Argentina parlamentariləri Azərbaycan həqiqətləri barədə məlumatlandırılıblar

Martın 16-da Milli Məclisin Azərbaycan-Argentina parlamentlərarası əlaqələr üzrə işçi qrupunun üzvləri Argentina Senatının və Deputatlar Palatasının üzvləri ilə görüşüblər.

AZƏRTAC xəbər verir ki, görüşdə işçi qrupun rəhbəri Rüstəm Xəlilov ölkələrimiz arasında əlaqələrin inkişaf etdiyini bildirib. Qarşılıqlı səfərlər zamanı keçirilən görüşlərdə müxtəlif sahələrdə əməkdaşlıqla bağlı səmərəli müzakirələrin aparıldığını qeyd edən işçi qrupun rəhbəri əlaqələrin inkişafında dostluq qruplarının rolunu xüsusi qeyd edib. Argentinanın yüksək vəzifəli nümayəndələrinin Azərbaycanda keçirilən tədbirlərdə tez-tez iştirak etdiklərini vurğulayan R.Xəlilov belə səfərlərin münasibətlərin daha da dərinləşməsində mühüm rol oynadığını diqqətə çatdırıb.

Görüşdə qonaqlara Ermənistan-Azərbaycan, Dağlıq Qarabağ münaqişəsi barədə ətraflı məlumat verilib. Bildirilib ki, Ermənistanın Azərbaycana qarşı hərbi təcavüzü nəticəsində ərazimizin 20 faizi işğal edilib, bir milyondan çox azərbaycanlı qaçqın və məcburi köçkünə çevrilib. Bütün dünya bilir ki, Azərbaycan bu məsələni sülh yolu ilə həll etmək istəyir. Lakin Ermənistanın qeyri-konstruktiv mövqeyinə görə problem hələ də həllini tapmır.

Argentina Senatının üzvü Xulio Sezar Kobos ölkəmizə səfərindən məmnunluğunu bildirib. O, Azərbaycanda gördükləri inkişaf proseslərini təqdir etdiklərini vurğulayıb. Azərbaycanın söz sahibi olan nüfuzlu ölkələrdən biri olduğunu deyən Xulio Sezar Kobos ölkəmizin Latın Amerikası və Şərqi Avropa regionları arasında əlaqələrin dərinləşməsinə öz töhfəsini verə biləcəyini diqqətə çatdırıb.

Xulio Sezar Kobos Ermənistan-Azərbaycan, Dağlıq Qarabağ münaqişəsinin tezliklə sülh yolu ilə həllini tapacağına inandığını qeyd edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video