14 Mart 2017 12:03
766
Oxucu məktubları
A- A+

Dayanacaq avtobus və sərnişinlər üçündür...

 

Sumqayıtda yaşayıram. Son bir ildə şəhərimizdə xeyli iş görülüb - bu, danılmazdır. Amma əksər şəhərlərimizə, əsasən də Bakıya xas, ictimai nəqliyyatla, avtobuslarla bağlı problemlər Sumqayıt üçün də xarakterikdir. Hərçənd Sumqayıtın küçələri geniş və çoxzolaqlıdır. Yollarda hərəkətin nizamlanması, təhlükəsizliyin təmin edilməsi üçün müasir texniki vasitələrdən istifadə olunur. Lakin bəzi sürücülərin səhlənkarlığı ucbatından yollarda süni əngəllər yaranır. Bu isə hərəkəti ləngitməklə yanaşı, insanların həyatı üçün də ciddi təhlükə törədir.

Bəllidir ki, avtobuslar onlar üçün nəzərdə tutulmuş dayanacaqlarda dayanmalıdır. Eləcə də sərnişinlər avtobuslara dayanacaqlarda minib-düşməlidirlər. Təəssüf ki, bu  qaydaya bəzi avtobus sütücüləri və sərnişinlər heç də həmişə əməl etmirlər. Digər minik avtomobillərinin, xüsusilə də taksilərin sürücüləri dayanacaqların ərazisində maşın saxlamaqdan çəkinmir, parklama zamanı zəruri məsafəni, qaydaları gözləmirlər. Nəticə də hamıya bəllidir. Bəzən bunun sonu faciə ilə nəticələnir: insanlar qəzalarda mənasız yerə həyatlarını, sağlamlıqlarını itirirlər.

Belə hallara, intizamsız sürücülərə qarşı mübarizə gücləndirilsə də, vəziyyət az dəyişib. Maraqlıdır, belə avtobus sürücüləri nəyə və ya kimə arxayın olaraq hər gün silsilə kobud qayda pozuntularına yol verirlər? Yaxud, taksi sürücüləri nə qədər qazanırlar ki, cərimədən, cəzadan çəkinmirlər?

İndi Sumqayıtda iri və müasir avtobuslar işləyir. Onların ölçüləri bəzi dayanacaqlara yan almalarını çətinləşdirir. Əslində, problem avtobuslarda deyil, dayanacaqların məhdud ölçülərdə, konstruksiyada olmasındadır. Zənnimizcə, dayanacaqların ərazisi bir qədər genişləndirilsə, onlar yolun hərəkət hissəsindən kənara çəkilsə, daha yaxşı olar. Bir də, görünür, təhlükəsizliyin tamamilə bərqərar olması, bütün hərəkət iştirakçılarının qayda-qanunlara ciddi əməl etmələri üçün bəzi cəzalar sərtləşdirilməlidir. Eyni zamanda qayda-qanunlar bütünlüklə işlək hala gətirilməli, hamıya eyni dərəcədə şamil olunmalıdır.

 

Sevindik ƏLİYEV,

Sumqayıt şəhər sakini

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video