14 Mart 2017 12:03
755
Oxucu məktubları
A- A+

Şəhərdə sahibsiz küçə itləri gündən-günə artır

 

Son vaxtlar Gəncə şəhərinin küçələrində sahibsiz itlərin çoxalması sakinləri narahat edir. Heyvanlar günün müxtəlif vaxtlarında sürü ilə insanların qarşısına çıxır, əhali arasında vahimə yaradırlar. Sürü halında bəzən insanlara hücum etməkdən belə çəkinmirlər.

Təhlükə ciddidir: uşaqlar, qadınlar, qocalar yollarda, meydan və xiyabanlarda bu itlərlə qəfil qarşılaşanda həyəcanlanır, stress keçirirlər. Belə hallarda ürək-damar, əsəb xəstəliyi olan şəxslərin hansı vəziyyətə düşdüyünü təsəvvür etmək də çətin deyil. Sahibsiz, baxımsız küçə heyvanları vasitəsilə yoluxucu xəstəliklərin daha sürətlə yayıldığını da nəzərə alsaq, təhlükənin ciddiliyi anlaşılar. Sahibsiz heyvanlar, o cümlədən itlər qidalanmaq üçün zibil qutularının qoyulduğu ərazilərdə daha çox toplanır. Bunun bir səbəbkarı da elə sakinlərin özləridir: onların bəziləri məişət tullantılarını zibil qutularına deyil, ətrafına atırlar. Heyvanlar qida tapmaq üçün bu zibilləri ətrafa dağıdır, yaxınlıqdan keçən insanları qorxudurlar.      

Şübhəsiz, şəhərin təmizliyinə, ümumiyyətlə, sağlamlıq naminə sanitar-gigiyena qaydalarına hamı əməl etməlidir: məişət tullantıları müvafiq konteynerlərə yığılmalı, ətrafa səpələnmədən yığışdırılıb utilizasiyaya göndərilməlidir. Amma küçə heyvanlarının qida mənbələrini ləğv etməklə onlardan xilas olmaq mümkün deyil. Əksinə, bu, heyvanları daha da təhlükəli edə bilər. Odur ki, ilk növbədə heyvan saxlayanlar onlardan imtina edib küçəyə atmamalıdırlar. Unutmaq olmaz ki, onlar da canlıdır və yaşamaq istəyir. Heyvanlara əyləncə vasitəsi kimi baxmaq, bu məqsədlə saxlamaq, çətinliyə düşəndə onlardan imtina etmək də düzgün deyil.

Fikrimizcə, şəhərin müvafiq təsərrüfat işçiləri bu məsələyə ciddi yanaşmalı, sahibsiz heyvanların küçələrdən yığışdırılıb sığınacaqlarda yerləşdirilməsinə çalışmalıdırlar. Bunu nə qədər tez etsələr, sakinlər üçün bir o qədər yaxşıdır.

 

Kəmalə RƏHİMOVA,

Gəncə şəhər sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video