28 Fevral 2017 12:02
929
Oxucu məktubları
A- A+

Bu yol bizi kəndimizə aparacaq...

 

Əslən Cəbrayıl rayonunun Əfəndilər kəndindənəm. 1993-cü ildən doğma el- obamızdan didərgin düşmüşük. Köçkünlük həyatı bizi ölkənin çox yerində yurd salmağa məcbur etdi. Doğrudur, vətənin o başı, bu başı olmaz - deyirlər. Hazırda ölkəmizin dilbər guşələrindən olan İsmayıllıda məskunlaşmışıq. Burada istər rayon rəhbərliyi, istərsə də yerli sakinlərdən həmişə hörmət görmüşük.

Buna baxmayaraq, insan üçün doğulub boya-başa çatdığı yeri əvəz edən heç nə yoxdur. İlk növbədə uşaqlıq xatirələri, ata-babadan qalma isti ocaq, doğmalarının uyuduğu qəbiristanlıqlar və daha nələr, nələr... Bunlar həmişə insanın içindən keçir, düşüncələrinə rahatlıq vermir və yenidən yurda dönmək həsrəti közərir...

Prezident İlham Əliyevin keçən ilin aprel döyüşlərindən sonra təhlükə riski azalan Cocuq Mərcanlının yenidən bərpası istiqamətində atdığı məqsədyönlü addımlar və real işlərə başlanması bizi çox sevndirdi. Yenidən o torpaqlara qayıtmaq ümidimiz daha da artdı. Bizim kəndi Cocuq Mərcanlıdan təxminən 15 kilometrlik məsafə ayırır. Cocuq Mərcanlıya çəkilən yolun çox keçmədən bizi də öz kəndimizə çatdıracağına ürəkdən inanırıq! Bizə bu inamı bəxş edən isə ölkə rəhbərinin əzmkarlığı, öz vətəndaşına daim sahib çıxması və ən əsası isə düşməni susdurmağa qadir olmasıdır.

 

Mübariz ABDULLAYEV,

məcburi köçkün

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video