28 Fevral 2017 12:02
935
Oxucu məktubları
A- A+

YDM içindən yol salan sürücülər ətrafa təhlükə saçır

 

Bakıdakı Azadlıq və Ziya Bünyadov prospektlərinin  kəsişməsində, körpünün düz tinində, “Xutor” adlanan əraziyə doğru haçalanan yolun üstündə yanacaqdoldurma məntəqəsi (YDM) var.  Bu YDM-in bir parçası faktiki olaraq  yolun hərəkət hissəsindədir - arada nə səki var, nə də bir ayırıcı zolaq. Şübhəsiz, YDM-lərin bilavasitə yollara  yaxın qurulması təhlükəlidir. Bu barədə çox danışılıb, çox deyilib. Amma qeyd  olunan yerdəki  YDM-i daha təhlükəli edən başqa bir amil də meydana gəlib: son dövrlər yol-hərəkət qaydalarını pozan  sürücülər  bu YDM-in içindən keçməklə  özləri üçün “yeni” yol  salıblar. Halbuki Xutor tərəfdən körpüyə doğru gələn avtomobillər  yalnız sağa hərəkət edə bilərlər. Bu, məcburi hərəkət istiqamətini göstərən, həmçinin YDM-ə və körpünün altına girişdə quraşdırılmış “Giriş qadağandır” yol nişanları ilə təsbit edilib. Üstəlik, şaquli nişanlama ilə - çəkilən bütöv xətlə  sola hərəkət, YDM-ə giriş qadağandır. Buna baxmayaraq, pik saatlarda, xüsusilə də səhər tezdən   sürücülər kütləvi şəkildə qaydaları pozur, YDM-in içindən hərəkət etməklə həm məntəqədə  təhlükə yaradır, həm də  qovşaqda tıxaca səbəb olurlar. 

Qaydalara əsasən, YDM-dən çıxan nəqliyyat vasitələri bütün istiqamətlərdə hərəkət edən avtomobillərə yol verməli,  yol boşalmadan  qovşağa girməməlidirlər.  Bu səbəbdən YDM-in içində “yol ver” nişanının quraşdırılması absurddur. Buna da əməl etməyən sürücülər YDM-dən  yolun hərəkət hissəsinə çıxır,  tunelin üstü, sağ cinahı, eləcə də körpünün altı  ilə hərəkət edən avtomobillərin qarşısını kəsirlər.

Yollarını qısaltmaq, vaxta, yanacağa qənaət etmək istəyən sürücülər nəzərə almalıdırlar ki, bunu başqalarını zaman və yanacaq itkilərinə məruz qoymaqla, ən başlıcası isə ətrafdakıların həyatını təhlükəyə atmaqla etməli deyillər.

İstənilən halda ictimai təhlükə doğuran bütün qayda pozuntuları yolverilməzdir. Bu səbəbdən  nə qədər ki  faciə, ağır qəza baş verməyib, qeyd edilən yerdə hərəkətin normal, qaydalar çərçivəsində təşkili üçün bütün zəruri tədbirlər görülməli, məsuliyyətsiz sürücülər məsuliyyətə cəlb olunmalıdır. 

 

Əlihüseyn VƏLİYEV,

Bakı şəhər sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video