Alternative content

16:00 22 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Qaldırıcı kran sökülərək məktəb ərazisindən çıxarılacaq
Qaldırıcı kran sökülərək məktəb ərazisindən çıxarılacaq
ANA SƏHİFƏ / Oxucu məktubları
12:02 19.02.2017

 

“Azərbaycan” qəzetinin 16 noyabr 2016-cı il tarixli nömrəsində “Sahibsiz kran təhlükə mənbəyinə çevrilib” sərlövhəli oxucu məktubu dərc edilmişdi. Müəllif  Bərdə şəhərində, internat məktəbin həyətində unudulmuş qaldırıcı inşaat kranının  yaratdığı  təhlükədən bəhs etmiş,  bədbəxt hadisə baş verməsin deyə, onun sökülərək  məktəb ərazisindən uzaqlaşdırılmasının vacibliyini vurğulamışdı.

Məsələyə Fövqəladə Hallar Nazirliyi münasibət bildirib. Nazirliyin Sənayedə İşlərin Təhlükəsiz Görülməsi və Dağ Mədən  Nəzarəti  Dövlət Agentliyinin rəisi S.QURBANOVun imzaladığı məktubda deyilir:

 

“Nazirliyin Sənayedə  İşlərin Təhlükəsiz  Görülməsi və Dağ Mədən Nəzarəti  Dövlət Agentliyinin Aran Regional müfəttişliyinin  mütəxəssisləri qeyd olunan  ərazidəki  krana rayon  icra hakimiyyətinin nümayəndəsi və məktəb  direktorunun iştirakı ilə baxış keçirərək akt tərtib etmişlər.

Uzun müddət baxımsız  qaldığı üçün kranın yararsız vəziyyətə düşdüyü  müəyyən olunmuşdur. Gələcəkdə  baş verə biləcək qəza və bədbəxt hadisələrin qarşısının alınması  məqsədilə kran sahibinin  müəyyənləşdirilməsi,  kranın sökülərək həmin ərazidən çıxarılması istiqamətində  tədbirlər görülməsi üçün rayon icra hakimiyyətinə məktub ünvanlanmış və icrası nəzarətə götürülmüşdür”.