19 Fevral 2017 12:02
811
Oxucu məktubları
A- A+

Diqqət və qayğıdan razıyıq

 

Kəndimiz Siyəzən rayon mərkəzindən xeyli aralıda yerləşir. Əvvəllər yay fəslində xeyli turist gələr, istirahətlərini burada keçirərdilər. İsti aylarda gecələr sərin, əhali qonaqpərvər, mehriban olduğundan kəndimiz cəlbedici idi. Amma sonradan çox şey dəyişdi: kənddə işıqlar tez-tez sönməyə başladı, sosial şərait ağırlaşdı, yollarımız yararsız hala düşdü. Keçid dövrünü əhatə edən o zamanlarda kəndə istirahətə gələnlər də xeyli azaldı...

Amma necə deyərlər, çətin günün ömrü az olar. Son illər bölgələrin inkişafına verilən önəm və abadlıq prosesi bizim kəndimizdən də yan keçməyib. Ardıcıl olaraq sosial-məişət problemləri aradan qaldırılıb. Kəndimizin yolu təmir edilib, yeni su xətti çəkilib. Ən başlıcası, təbii qaz verilib ki, bu da kəndlinin rifahını xeyli yüksəldib. İşıqlarımız da öz qaydasında - fasiləsiz yanır. Turizm də dirçəlməyə başlayıb - gəlib-gedən artıb. Bu, kəndli üçün əlavə gəlir, stimul deməkdir. Dövlət tərəfindən kəndimizə göstərilən qayğı və diqqətdən çox razıyıq.

Bu il qış sərt keçsə də, əhalinin əhvali-ruhiyyəsi yaxşıdır. Bayırda soyuq olmasına baxmayaraq, hamının isti ocağı, rahatlığı var. Belə şəraitdə təbiət daha füsunkar və romantik görünür.

 

İsmayıl MURADZADƏ,

Siyəzən rayonunun Sədan kənd sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video