Televiziyalarda təbiətə sevgi, qayğı aşılayan maarifləndirici verilişlər niyə yoxdur?
Ekologiyanın çirkləndirilməsindən, təbiətdə tarazlığın pozulmasından, bioloji və zooloji ünsürlərin lüzumsuz yerə məhv edilməsindən bütün dünya narahatdır. Bəşər övladı onu həyata gətirmiş və yaşaması üçün bütün nemətləri ixtiyarına vermiş təbiəti acımadan istismar edir.
Nədən? Yəqin, təbiəti yetərincə sevmir, qədir-qiymətini layiqincə bilmirik. Azərbaycanda da təbiətə münasibət arzu olunan səviyyədə deyil. Bakının min-bir zəhmətlə ərsəyə gətirilmiş yaşıllıqları kommersiya maraqlarına, obyekt hərisliyinə qurban getməkdədir. Cəzalar sərtləşdirilsə də, bu prosesin qarşısını tamamilə almaq mümkün olmur: təbiətə, yaşıllığa qarşı eyni rəngli əsginasa sevgi daha güclüdür. Əgər dünyanı gözəllik xilas edəcəksə, gözəlliyi də sevgi qorumalıdır.
Təbiəti uşaq və yeniyetmələrə, gənclərə, bəzən isə yetkin insanlara sevdirmək lazımdır. Özü də davamlı, fasiləsiz, bütün həyat boyu: ailədə, məktəbdə və cəmiyyətdə. Şübhəsiz, bu missiya təsirli imkanlara malik mətbuata, xüsusilə də televiziyalara aiddir.
Keçmişdə Azərbaycan dövlət televiziyasında hamının - təkcə uşaqların deyil, böyüklərin də maraqla izlədiyi , əvvəlcə “Təbiətin keşiyində”, sonra “Təbiəti sevənlər” adlı bir veriliş yayımlanırdı. 40 ilə yaxın efir həyatı sürmüş verilişin aparıcısının - Qara müəllimin adını eşidən və o dövrü yaşamış hər kəs hörmətli bioloqun yumşaq səsini, təbiətə, canlı aləmə məhəbbət dolu söhbətlərini daxilən bir daha xatırlayır. O səsə, o təbiətə vurğunluğa indi necə də böyük ehtiyac var. Yeri görünür o verilişin. Özü də, çox! Qara Mustafayevin Mirəli Axundovla birgə apardığı və misilsiz maarifləndirici, tərbiyəvi dəyərə malik “Təbiəti sevənlər” verilişinin indi televiziyalarda bir analoqu, oxşarı yoxdur! Belə proqramlara həsrət qalmışıq. Niyə? Bu sualın cavabı ilə yanaşı, nə zaman bu boşluğun doldurulacağını da bilmək istərdik.
Ekologiya və Təbii Sərvətlər , eləcə də Mədəniyyət və Turizm nazirlikləri heç də imkansız qurumlar deyillər. İstəsələr birbaşa və ya dolayı maliyyə dəstəyi verməklə, yəni müasir televiziya anlayışı ilə - sponsor təşkil etməklə belə bir verilişi yenidən ərsəyə gətirə bilərlər. Bu yaxınlarda qəzetinizdə Mədəniyyət və Turizm Nazirliyinin televiziya verilişlərinin keyfiyyətcə inkişafı naminə veriləcək təklifləri dəstəkləməyə hazır olduğunu oxudum. Buyursunlar, bu da təklif: “Təbiəti sevənlər” verilişinin qaytarılmasına əməli işlə nail olsunlar. Efirdəki boşluqlardan birini doldursunlar. Məgər buna mane olacaq, əngəl törədəcək nə isə var? Yaxud bu, onların səlahiyyət və imkanları xaricindədir? Bizcə, xeyr - istəsələr bunu edə bilərlər!
Fikrimizcə, biologiya elmləri doktoru, professor, Beynəlxalq Pedaqoji Elmlər Akademiyasının həqiqi üzvü, “Şöhrət” ordenli, Prezident təqaüdçüsü Qara müəllim bu təklifin reallaşması üçün əlindən gələn köməyi, mənəvi dəstəyi, məsləhəti əsirgəməz. Yetər ki, istək və iş görməyə təpər olsun...
E. HƏSRƏTLİ,
Bakı şəhər sakini
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"Türkiyə-Azərbaycan birliyi regional təhlükəsizliyin və sabitliyin mühüm meyarıdır"
25 Aprel
Azərbaycan-Çin əlaqələri dostluğa və qarşılıqlı maraqlara söykənir
25 Aprel
Sahibkarlar iqtisadi inkişafın aparıcı qüvvəsidir
25 Aprel
"Delimitasiya Hayastanın xilası olacaq"
25 Aprel
Sahibkarlığın bugünkü inkişafı düşünülmüş dövlət siyasətinin nəticəsidir
25 Aprel
Fransanın Azərbaycanın uğurlarını seyr etməkdən başqa yolu yoxdur
25 Aprel
Azərbaycan və Ermənistan arasında delimitasiya istiqamətində koordinatların dəqiqləşdirilməsi proses...
25 Aprel
Tərəfdaşlıqdan strateji müttəfiqliyə
25 Aprel
A.İ.İsmayılovun 3-cü dərəcəli "Vətənə xidmətə görə" ordeni ilə təltif edilməsi haqqında...
25 Aprel
Azərbaycan Respublikasının Mülki Prosessual Məcəlləsində dəyişiklik edilməsi haqqında
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!