Alternative content

10:11 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Cocuq Mərcanlı həsrətinə son qoyuldu
Cocuq Mərcanlı həsrətinə son qoyuldu
ANA SƏHİFƏ / Oxucu məktubları
12:02 12.02.2017

 

Elə bil üzümüzə gün doğub. İndi hamı bizim kəndimizdən danışır. Son günlər televiziya kanallarının da, qəzetlərin də əsas mövzusu Cocuq Mərcanlı kəndi ilə bağlıdır. Mən bu kənddə doğulmuşam. Uşaqlığım orada keçib. O yerlərlə bağlı yaddaşımda saysız-hesabsız şirin xatirələr var. Heç şübhəsiz, mənim ailəm kəndə birinci qayıdanlar sırasında olacaq.

Prezident İlham Əliyevin Cocuq Mərcanlı kəndinin bərpası ilə əlaqədar imzaladığı tarixi sərəncam bizlərə sonsuz yaşamaq həvəsi və ümidi verib. İşğal altında qalan bütün ərazilərimizin də tezliklə azad ediləcəyinə inamımız sarsılmazdır! Dövlət başçısının xeyir-duası ilə Qarabağa “Böyük Qayıdış” Cocuq Mərcanlıdan başlayır. Təkcə bu faktın özü bizi qürurlandırır. Biz bu günü çoxdan gözləyirdik.

Ulu öndər Heydər Əliyevin iradəsi və qətiyyəti sayəsində Cocuq Mərcanlı Füzuli rayonunun xeyli yaşayış məntəqəsi ilə birlikdə hələ 1994-cü ildə Ermənistan silahlı qüvvələrindən geri alınmışdı. Amma orada yaşamaq çox təhlükəli idi. Kəndimiz Lələtəpə yaxınlığında yerləşirdi. Keçən ilin aprel ayınadək bu yüksəklik ermənilərin əlində idi. Mənfur düşmənlərimiz bu strateji yüksəklikdən Cocuq Mərcanlı kəndini daim nəzarətdə, atəş altında saxlayırdılar. Ordumuz aprel döyüşlərindəki qazandığı tarixi qələbə ilə müəyyən ərazi və əhəmiyyətli mövqeləri, o cümlədən Lələtəpə yüksəkliyini də işğaldan azad etdi. Bununla da doğma kəndimiz düşmənin atəş nəzarətindən xilas olundu.

İndi yüksək əhvali-ruhiyyə ilə köçə hazırlaşırıq. İnanırıq ki, çox keçməyəcək dövlətimizin qüdrəti, Prezidentimizin qayğısı ilə kəndimiz yenidən qurulacaq, Cocuq Mərcanlının bəxtəvər günləri yenidən başlayacaq.

 

 Atakişi ATAKİŞİYEV,

Cəbrayıl rayonu,

Cocuq Mərcanlı kənd sakini