Alternative content

08:14 22 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Yeni məktəb keyfiyyətli təhsil deməkdir
Yeni məktəb keyfiyyətli təhsil deməkdir
ANA SƏHİFƏ / Oxucu məktubları
12:02 12.02.2017

 

Kəndimiz füsunkar təbiəti ilə seçilir. Dağ ətəyində, gözəlliklər əhatəsində yaşamaq, əlbəttə ki, xoşdur. Hərçənd, bəzən burada müəyyən problemlərlə də üzləşirik. Bunu da əsasən elə bu gözəlliklərin sahibi - təbiət törədir...

 2012-ci ildə şimal-qərb bölgəsində baş verən zəlzələdən sonra bizim kənd məktəbinin binasının divarlarında iri çatlar əmələ gəlmişdi. Məktəb qəzalı vəziyyətə düşmüşdü. Təhlükə ciddi olduğundan valideynlər övladlarını ətraf kəndlərdəki məktəblərə köçürmüşdülər. Bu, həm valideynlər, həm də şagirdlər üçün əziyyətli idi. Xüsusilə payız-qış aylarında uzaq məktəblərə gedib-gəlmək çətin olurdu. Şübhəsiz, belə vəziyyət uşaqların  təhsilinə də mənfi təsir göstərirdi.  Şükür ki, artıq bu problem həllini tapmaq üzrədir: nəhayət, kəndimizdə yeni məktəb binasının inşasına başlanılıb. Layihəyə əsasən, kəndimizdə yeni və müasir, tam təchizatlı məktəb tikilir. İndi məktəbin müəllim və şagird heyəti tikintinin tezliklə sona çatdırılmasını və  yeni tədris ilini səbirsizliklə gözləyirlər.

Yeni və müasir məktəb keyfiyyətli təhsil deməkdir. Keyfiyyətli təhsil isə yüksək ixtisaslı mütəxəssis hazırlığının təməl daşıdır. Əlbəttə ki, bu, mütərəqqi dünyagörüşlü, savadlı və zəngin mənəviyyatlı vətəndaş tərbiyəsində də ümdə əhəmiyyətə malikdir.

Kəndimizin sayılıb-seçilən ziyalıları olub və indi də var. Artıq əminik ki, dövlətin qayğısı və diqqəti sayəsində bundan sonra da olacaq. 

 

Əli ABDULSƏMƏDOV,

Şəki rayonu,

 Baş Zəyzid kənd sakini