Tələbin yönəldilə biləcəyi əmlak və gəlirlər aşkar edilməyib
Pərvanə Mirzəyeva “Azərbaycan” qəzetinə məktub yazaraq 2011-ci ildən bəri məhkəmə qərarlarının icra edilməməsindən şikayətlənmiş, redaksiyadan kömək istəmişdi. Ədliyyə Nazirliyindən məsələyə münasibət bildirilməsini və tədbir görülməsini xahiş etmişdik.
Azərbaycan Respublikası Ədliyyə Nazirliyi İcra baş idarəsinin rəisi Baş icra məmuru vəzifəsini icra edən Nurəddin Mustafayevin imzaladığı cavab məktubunda deyilir:
“Vətəndaş Pərvanə Mirzəyevanın məhkəmə qərarının icrası ilə bağlı “Azərbaycan” qəzetinin redaksiyasına etdiyi şikayət üzrə müraciətinizə baxılmışdır.
Bildirilir ki, Abşeron Rayon Məhkəməsinin 06.07.2011-ci il tarixli qətnaməsi üzrə verilmiş icra vərəqəsinə əsasən, borclu “Fuad LTD” MMC-dən 31695 manat pul alınıb Pərvanə Mirzəyevaya verilməlidir.
İcra sənədi əsasında Abşeron rayon icra şöbəsində müvafiq qaydada icraata başlanılmış, tələb könüllü qaydada təmin edilmədiyi üçün borclunun əmlak və digər gəlirləri yoxlanılmış, lakin müsbət nəticə verməmişdir.
İcraat zamanı müəyyən edilmişdir ki, “Fuad LTD” MMC-nin direktoru Qasım Məmmədov barəsində 08.02.2013-cü il tarixində cinayət işi başlanılmış və Bakı Ağır Cinayətlər Məhkəməsinin 08.09.2015-ci il tarixli hökmü ilə o, 9 il müddətinə azadlıqdan məhrumetmə cəzasına məhkum edilmişdir. 12.10.2016-cı il tarixində Q.Məmmədov vəfat etmişdir.
“Fuad LTD” MMC-yə məxsus Abşeron rayonu, Xırdalan şəhərində inşa edilən yarımtikilinin inşasının “Abşeron LTD-2013” MMC tərəfindən davam etdirildiyi və müvafiq məhkəmə qərardadına uyğun olaraq mənzillərin tikilərək borc əvəzinə tələbkarlara verilməsinin həmin cəmiyyətə həvalə edilməli olduğu müəyyənləşdirilmişdir.
İcraat zamanı icra məmurunun qanuni tələblərini yerinə yetirmədiyinə görə borclu “Abşeron LTD-2013” MMC barəsində inzibati xəta haqqında protokol tərtib olunaraq məhkəməyə təqdim edilmiş və Abşeron Rayon Məhkəməsinin 25.05.2015-ci il tarixli qərarı ilə 3000 manat inzibati qaydada cərimə edilmişdir.
Lakin sonradan Azərbaycan Respublikasının Vergilər Nazirliyindən alınan məlumata əsasən, müəyyən edilmişdir ki, “Abşeron LTD-2013” MMC-nin fəaliyyəti dayandırılmışdır. Hazırda rəhbəri yoxdur.
Məhkəmə qərarının uzun müddət icra olunmamasının səbəbi borclu “Fuad LTD” MMC-nin direktorunun azadlıqdan məhrum edilməsi (sonradan vəfat etməsi), sonradan məhkəmə qərardadı əsasında öhdəliklərin yönəldildiyi “Abşeron LTD-2013” MMC-nin fəaliyyətinin dayandırılması, eləcə də sonuncunun hazırda rəhbərinin olmaması, habelə onda tələbin yönəldilə biləcəyi əmlak və gəlirlərin aşkar edilməməsidir”.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
İmperializmin təzahürü
29 Mart
Bakı asan rəqib deyil
29 Mart
Qərb Cənubi Qafqazı yeni fəlakətə sürükləmək istəyir
29 Mart
Terror bəşəriyyət üçün təhlükədir
29 Mart
Qərbin məkri Ermənistanı ağır duruma salacaq
29 Mart
Solovyov ermənilərin maşası olmağından "şərəf" duyur
29 Mart
Makron İlham Əliyevə yenə uduzdu
29 Mart
Orta dəhliz hazırda ən etibarlı marşrutdur
29 Mart
Sülhün yolu Azərbaycanla əməkdaşlıqdan keçir
29 Mart
"Avtomobil yolları haqqında" Azərbaycan Respublikasının Qanununda dəyişiklik edilməsi barədə...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!