12 Fevral 2017 12:02
1017
Oxucu məktubları
A- A+

Quba Çuxur hamamı bərpa olunur

 

Qubada qədim, tarixi abidələr çoxdur. Onlardan biri XIX əsrdən yaxın zamana kimi fəaliyyət göstərmiş Quba Çuxur hamamıdır. Bu hamam Qubada çox məşhur idi.

Lakin ötən əsrin 80-ci illərində kanalizasiya sistemi sıradan çıxdığından hamam bağlanmışdı. Bundan sonra hamam uzun müddət baxımsız qaldı və müəyyən yerləri uçulub-dağılmağa başladı.

Tarixi abidənin və fəaliyyətdə olmuş hamamın bərpa edilməsi istəyi ilə dəfələrlə müxtəlif instansiyalara  müraciət etmişdik. Söz verilsə də, iş görən yox idi. Nəhayət, buna son qoyulub. Artıq hamamda təmir-bərpa işlərinə başlanılıb. Bərpa layihəsi bilavasitə Mədəniyyət və Turizm Nazirliyinin iştirakı, beynəlxalq təşkilatlardan birinin maliyyə dəstəyi ilə həyata keçirilir. 

Biz - 1960-cı illərin gəncləri vaxtaşırı bu hamamın yaxınlığında yerləşən çayxanaya toplaşırıq. Elə əvvəllər də ora bizim görüş yerimiz olub. Mütəmadi olaraq  hamamda gedən bərpa işlərinin gedişi  ilə maraqlanırıq, ustalara mənəvi dəstək verir, köməyimizi təklif edirik.   Deyilənə görə, yaxın bir neçə ay ərzində  tarixi-mədəniyyət nümunəsi - Quba Çuxur hamamı yenidən istifadəyə veriləcək.

 

Məzahir MƏMMƏDOV,

Quba şəhər sakini

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video