12 Fevral 2017 12:02
828
Oxucu məktubları
A- A+

Dərdimizi kimə deyək?

 

Hörmətli redaksiya!

Üzləşdiyimiz problem Bərdə rayonunda təkcə bizim ailə üçün yox, çoxları üçün narahatlıq doğurur. Həyat yoldaşım uzun illərdir ki, şəkərli diabet xəstəliyindən əziyyət çəkir. Davamlı şəkildə müalicə edilsə də, bu bəladan xilas ola bilmir. Dövlətimiz sağ olsun: bu xəstəliklə mübarizədə dərman təminatını öz üzərinə götürüb. Dediyim odur ki, dövlət öz vətəndaşının sağlamlığı, rahatlığı üçün lazım olan hər şeyi edir. Amma rayonda elə şərait yaradıblar ki, biz dövlətin bu qayğısından yetərincə bəhrələnə bilmirik. Diabet xəstələrinə ayrılan dərmanı almaq üçün bizi get-gələ salırlar: kənddən rayon mərkəzinə dəfələrlə gedib-gəlməli oluruq. Hər dəfə də dərman alanda qan analizi verilməsini tələb edirlər. Bu isə əlavə xərcdir, süni yaradılan problemdir.

Əvvəllər dərman bölgü ilə yaşadığımız kəndin həkim məntəqəsinə göndərilirdi. Biz də əlavə xərcə düşmədən, vaxt itirmədən gedib dərmanı rahat şəkildə kənd məntəqəsindən alırdıq. İndi xeyli vaxtdır ki, iş qaydasını dəyişiblər. Gərək şəkər dərmanı almaq üçün mərkəzi xəstəxanaya gedəsən. Dərman da gah olur, gah olmur. Olanda da uzun növbə, basırıq, hay-küy əsəbimizi korlayır, bizi əldən salır.

Əlacsız qalıb məsələ ilə bağlı Səhiyyə Nazirliyinin “qaynar xətt”inə zəng vurdum. Vəziyyətin düzələcəyinə söz verdilər. Amma xeyri olmadı, heç nə dəyişmədi.

Hörmətli redaksiya! İndi bilmirik dərdimizi kimə deyək.

 

Telman HÜSEYNOV,

Bərdə rayonu, Alaçadırlı kənd sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video