Bəzi həkimlərin yazdıqları resepti əczaçılar oxuya bilmirlər
Bir gün mollanın yanına bir nəfər gələrək İsfahanda yaşayan qohumuna məktub yazmasını xahiş edir.
- Yazaram, ancaq mən İsfahana gedə bilməyəcəyəm,- deyə molla bildirir.
Həmin şəxs təəccüblə:
- Sənin getməyin nəyə lazımdır, - mən ancaq məktubu göndərəcəyəm,- deyir.
- Məsələ burasındadır ki, mənim yazdığımı özümdən başqa heç kim oxuya bilmir, mən də ki, gedə bilməyəcəyəm, - deyə molla onu başa salır.
...Yəqin deyəcəksiniz ki, bu lətifənin məsələyə nə dəxli var? Bəli, var. Bu günlərdə mənə yazılan həkim reseptinə baxanda istər-istəməz mollanın həmin lətifəsi ilə onun arasında bir bağlılıq gördük. Qarşımızdakı, necə deyərlər, cızma-qaradan başqa bir şey deyildi. Onu bir neçə aptekə göstərdik. Əczaçılardan kimi reseptə baxıb başını buladı, kimi çiyinlərini çəkib dodağını büzdu, bir başqası isə onu oxumaq üçün yanındakı daha təcrübəli iş yoldaşından kömək istədi. Ədalət naminə deyək ki, oxuyan tapıldı, o da ki, fəhmnən.
Ad çəkib kiminsə nüfuzuna xələl gətirmək istəmirik. Çünki onu yazan tanınmış həkimdir və ona müraciət edən xəstələrin əlindən, necə deyərlər, başını qaşımağa da vaxtı olmur. Nə deyək, bəlkə də elə bu səbəbdəndir ki, resepti də tələm-tələsik, necə gəldi cızma-qara edir. Ancaq unutmaq olmaz ki, yazı özü də bir mədəniyyətdir. Hansı halda olursa-olsun, o, doğru-düzgün yazılmalı, təhrifə yol verilməməlidir.
Çox təəssüf ki, bu, birinci hal deyildir və bir çox xəstələr apteklərdə belə çətinliklərlə qarşılaşırlar. Həkim yazır, əczaçı isə oxuya bilmir. Hələ onu demirik ki, bəzən lazım olan dərmanın əvəzinə başqası da verilir. Bunun isə fəsadları daha böyük olur. Nəticədə isə həkim əczaçıları günahlandırır, əczaçılar isə birinciləri qınayır.
Elbrus MƏMMƏDOV,
Bərdə rayonu
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Keçmiş məcburi köçkünlərin müraciətləri dinlənilib
25 Aprel
Türkiyənin “ASELSAN” şirkəti ixrac həcmini 1 milyard dollara çatdırmağı planlaşdırır ...
25 Aprel
Qırğızıstan Prezidenti Sadır Japarovun Azərbaycana dövlət səfəri başa çatıb
25 Aprel
Milli Məclisin sədri Türk Dövlətləri Parlamentlərinin Xarici Əlaqələr Komitələri sədrlərinin iclasın...
25 Aprel
Türkiyənin Kahramanmaraş Sütcü İmam Universiteti ilə Azərbaycan Tibb Universiteti arasında birgə elm...
25 Aprel
Fransızların çoxu Makronun Aİ qərarlarına real təsir göstərdiyinə inanmır
25 Aprel
Dəyişən iqlim şəraitində əməyin mühafizəsi ilə bağlı maarifləndirmə tədbirləri təşkil olunub ...
25 Aprel
Rusiya XIN: Moskva Azərbaycanla Ermənistan arasında dövlət sərhədinin delimitasiyasına gələcəkdə də ...
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!