19 Yanvar 2017 01:01
776
Oxucu məktubları
A- A+

Sualım var

 

Kommersiya məqsədilə deyil,  yalnız  şəxsi, ailə  tələbatında istifadə üçün kiçik həcmli “Fiat-Doblo”  yük avtomobili  almışam.  Bilmək istəyirəm: bu avtomobilə görə fərqlənmə nişanı almalıyammı və  bunun rüsumu varmı?

 

İlqar MƏMMƏDOV,

Bakı şəhər sakini

 

 

- Azərbaycan Respublikası Vergi Məcəlləsinin 221.4.9-cu maddəsinə əsasən, vergi ödəyicilərinin mülkiyyətində olan avtomobil nəqliyyatı vasitələri ilə öz istehsal fəaliyyətini təmin etmək üçün işçilərinin və özünə məxsus yüklərin daşınmasında istifadə olunan avtomobil nəqliyyat vasitələri sadələşdirilmiş vergiyə cəlb edilmir və bu nəqliyyat vasitələri üçün “Xüsusi fərqlənmə nişanı” alınır. “Xüsusi fərqlənmə nişanı” mülkiyyətində avtomobil nəqliyyatı vasitələri olan vergi ödəyicilərinin  müraciətindən sonra beş iş günü ərzində Azərbaycan Respublikası Nəqliyyat Nazirliyi Dövlət Avtomobil Nəqliyyatı Xidməti (DANX) tərəfindən verilir. “Xüsusi fərqlənmə nişanı”nın alınması üçün hər hansı haqq ödənilmir.

Əgər siz vergi ödəyicisi kimi uçotda deyilsinizsə

(VÖEN-nin yoxdursa), “Xüsusi fərqlənmə nişanı” almanız məcburi deyil. Hətta istəsəniz belə, onu əldə edə bilməyəcəksiniz.  Yəni siz öz kiçik həcmli yük avtomobilinizdən heç bir fərqlənmə nişanı almadan şəxsi yüklərinizi daşımaq üçün istifadə etməkdə sərbəstsiniz.

 

Ərşad HÜSEYNOV,

“Digesta” hüquq mərkəzinin direktoru

 

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video