06 Yanvar 2017 12:01
710
Oxucu məktubları
A- A+

Müasir qəsəbəyə qaranlıq küçələr yaraşmır...

 

Dağlıq Qarabağ münaqişəsi başlayandan biz kəlbəcərlilər də olmazın əziyyətlər çəkdik: əzizlərimizi, torpağımızı itirdik, ata-baba yurdumuzdan didərgin düşdük. İndi respublikamızın müxtəlif bölgələrində məskunlaşıb geri dönəcəyimiz günü səbirsizliklə gözləyirik.

İlk illər çox ağır keçsə də, dövlətimiz dirçəlib gücləndikcə diqqət və qayğı ilə əhatə olunduq. Məcburi köçkünlər üçün müasir qəsəbələrin salınması həyatımızı xeyli yüngülləşdirib. Belə qəsəbələrdən biri Gəncə ərazisindədir. 1500 ailəlik və hər bir infrastrukturu olan qəsəbədə  mənim də ailəmə ev verilib.

Hörmətli redaksiya!

Artıq üç ilə yaxındır ki, burada yaşayırıq. Qeyd etdiyim kimi, yaşayış məntəqəsinin  hər cür şəraiti, rahatlığı var. Amma təəssüf ki, axşam düşəndə qəsəbənin gözəl və yaraşıqlı küçələri qaranlığa qərq olur. Xüsusilə qış aylarında - günün işıqlı vaxtının  az olduğu dövrlərdə bu hal sakinlər arasında çox narahatlıq doğurur.

Bununla əlaqədar bir neçə dəfə Kəlbəcər Rayon İcra Hakimiyyətinə müraciət etmişik. Orada bizə küçə işıqlarının Gəncə regional elektrik şəbəkəsi tərəfindən söndürüldüyü bildirilib. Səbəbini də qəsəbənin küçələrinin işıqlandırılması üçün vəsaitin idarənin hesabına  köçürülməməsi ilə izah ediblər. İndi  bilmək istəyirik, bu vəsaiti hansı təşkilat  köçürməlidir və nəyə görə bu vaxta qədər bunu etməyib? Ən başlıcası isə nəhayət, nə vaxt qəsəbədə küçələr  işıqlandırılacaq?

Müasir görkəmli qəsəbəyə belə qaranlıq küçələr heç yaraşmır. Xahiş edirik, bu problemin həllində qəsəbə sakinlərinə kömək edəsiniz.

 

Musa ƏZİZOV,

kəlbəcərli məcburi köçkün

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video