06 Yanvar 2017 12:01
766
Oxucu məktubları
A- A+

Bura sənətkarlar məskənidir

 

Tale elə gətirib ki, uşaqlığım və gəncliyim qədim Cəngəmiran kəndində keçib. Ecazkar təbiətə malik kənddə tarixi abidələr, uzaq və yaxın keçmişin izləri çoxdur. Bu abad oba el sənətkarları - qalayçıları, nalbəndləri, dülgərləri, daşyonanları, xalça, cecim və palaz toxuyucuları ilə tanınıb.

Keçmişdə qalayçı Mirzəbala kişinin körüyü səhərdən axşamadək işləyirdi. Su dəyirmanı dayanan kimi Əbülfəz əmini çağırırdılar. O da gəlib pərləri nizamlayıb işə salırdı. Əllinci illərdə zəmilərin məhsulu Məmməd kişinin düzəltdiyi at arabalarında da xırmana daşınardı. Rəmyəli dayının əlindən çıxan ağac tabaqlar bərəkətlə dolurdu. Düzəltdiyi xörək qaşıqları, çömçələr, vərdənə və oxlovlar qonum-qonşuya paylanırdı. O illərdə məktəb müəllimi İbad İbadovun ağacdan yonduğu heykəllər indi də evlərdə yadigar kimi saxlanılır.

Ənənələr bu gün də yaşadılır: Cəngəmiranda toxunan xalçalar gəlin köçən qızlara cehiz verilir, otaqları bəzəyir, alanı razı salır. Qış günlərində evlərdən kirkirələrin səsi gəlir - xalça-palaz, corablar, xurcunlar toxunur. İncəsənət məktəbinin müəllimi Sərhəng Qafarov sələflərinin sənətini davam etdirir. Uzun illərdir musiqi alətləri - tar, kamança, nağara, tütək düzəldib şagirdlərinə bağışlayır. O, peşəsini övladlarına da öyrədib. Oğlu Familin bu sahədə uğurları ürəkaçandır. Payızda kötükləri, ağac köklərini, əzgil, palıd, fısdıq budaqlarını toplayıb qurudur. Əllərinin hərarəti quru ağaclara sanki can verir. Heykəllər yonur, quş və heyvan fiqurları hazırlayır, musiqi alətləri düzəldir. Onun fısdıq ağacından düzəltdiyi “Lakto”  musiqi aləti iki çubuqla çalınır, oynaq tembri ilə seçilir.   Famil Qafarovun kiçik emalatxanasına turistlər, kəndə yolu düşən qonaqlar, məktəblilər tez-tez baş çəkir. Onlar ustanın əl işlərinə məftun olurlar.

 

Həmzə VƏLİMƏMMƏDOV,

Lerik rayon sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video