06 Yanvar 2017 12:01
759
Oxucu məktubları
A- A+

Təhlükəli vəziyyətə niyə biganə yanaşılır

 

Bakı-Qazax avtomagistralı ölkəmizin  müasir yol infrastrukturlarından biridir. Hər istiqamətə iki zolaq olmaqla ortadan ayırıcı zolaqla -  məhəccərlə ayrılmış yol hamar, rahat və daha təhlükəsizdir.

Amma təəssüf ki, bəzi sürücülər, eləcə də müəyyən şəxslər qanunların, qaydaların tələblərinə zidd olaraq bu yolun müəyyən hissələrində ciddi təhlükə mənbələri yaradırlar. Yol hərəkəti qaydalarına əsasən, avtomagistrallarda dayanmaq qəti qadağandır. Hətta yolun çiynində, hərəkət hissəsindən kənarda belə, dayanmaq olmaz.  Bu statuslu yolların bilavasitə üzərində ticarət qurmaq və ya hər hansı xidmət təklif etmək də yasaqdır. Bütün bunlara, eləcə də avtomobillərin dayanmasına avtomagistraldan müəyyən məzafə zolağından kənarda, xüsusi  yerlərdə və meydanlarda icazə verilir.

Lakin Bakı-Qazax avtomagistralının müxtəlif rayonların ərazisindən keçən hissələrində qanunvericiliyin bu tələbinə məhəl qoyulmur: sürücülər  kefləri istədiyi zaman yolda dayanırlar. Bundan savayı, yolun ciyni  boyu ticarət “obyekt”ləri fəaliyyət göstərir: şıdırğı meyvə-tərəvəz, qarğıdalı və balıq satılır. Bəzən  satıcılar  ticarətlərini yolun hərəkət hissəsinədək “genişləndirmək”dən,  yolun ortasında - ayırıcı zolağın üzərində oturub müştəri cəlb etməkdən belə çəkinmirlər. Bununla da yüksək sürətli yolda hərəkət edənlərə, eləcə də özləri üçün nə dərəcədə təhlükə yaratdıqlarının fərqinə varmırlar. Onu da qeyd edək ki, analoji vəziyyət mütəmadi olaraq şimal istiqamətindəki avtomagistralda, xüsusilə Siyəzən və Şabran ərazilərində müşahidə olunur.

Bu hal illərdir davam edir. Özü də hər kəsin, o cümlədən bilavasitə səlahiyyətli şəxslərin gözləri önündə. Maraqlıdır, bəs niyə bu təhlükəli vəziyyətə biganə yanaşılır, qanunsuzluğa göz yumulur? Məgər sadalanan səbəblər ucbatından avtomagistrallarda azmı qəza baş verib? Bu yaxınlarda  mağistralın Ələt yaxınlığından keçən hissəsində bir minik avtomobili idarəetmədən çıxaraq yolun çiynində dayanmış iri yük maşınlarından birinə çırpılmışdı. Nəticədə avtomobildəki 3 nəfərdən ibarət ailə həlak olmuşdu. Axı, o yük maşını qaydaları pozub orada dayanmasa idi, bəlkə də qəzanın nəticəsi bu qədər faciəli olmazdı...

 

Nicat NƏBİOĞLU,

Bakı şəhər sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video