18 Dekabr 2016 12:12
688
Oxucu məktubları
A- A+

Yolun yenilənməsi aqrar inkişafı stimullaşdıracaq

 

İsmayıllı-Qaraməryəm avtomobil  yolu kəndimizdən keçir. Uzun illər idi ki, bu yol baxımsızlıqdan dağılmış, bərbad vəziyyətə düşmüşdü. Döymədiyimiz qapı qalmamışdı. Bununla bağlı dəfələrlə cavabdeh şəxslərin   qəbulunda da olmuşduq. Hamı söz verirdi, lakin nəticə yox idi.

Amma inamımızı itirməmişdik, bilirdik ki, ölkədə gedən abadlıq-quruculuq işləri fonunda bu problem də bir gün müsbət həllini tapacaq. Elə də oldu. Dövlət başçısının tapşırığı ilə yol yenidən çəkildi.  Özü də yüksək keyfiyyətdə. Yol infrastrukturu da yeniləndi: 27 kilometrlik məsafədə 5 körpü-keçid quruldu.

Beləcə, yolun ətrafındakı kəndlərin əhalisi, eləcə də  yoldan keçən hər kəs rahatlıq tapdı. Nahaq yerə deməyiblər: mədəniyyət, iqtisadiyyat yoldan başlayır. Əminik ki, yolun abadlığı və digər yenidənqurma işləri kəndlərdə aqrar məşğulluğu bir qədər də stimullaşdıracaq. Fasiləsiz elektrik enerjisi, təbii qaz və içməli, həmçinin suvarma suyu ilə də təmin olunmuşuq. Fərdi təsərrüfatlarımızı genişləndirmək, deməli, həm də gəlirlərimizi yüksəltmək imkanları artıb. İndi qalır qol çırmayıb zəhmət çəkməyə və bəhrəsin görməyə.

 

Yunus MƏMMƏDOV,

 Sənubər ZEYNALOVA,

Kürdmaşı kənd sakinləri

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video